DÖRMANDA MILLIY QADRIYaTLARIMIZ TARĞIB ETILGAN TADBIR BÖLIB ÖTDI
Yurtimizda istiqlol yillarida xotin-qizlarning jamiyat hayotidagi mavqeini yuksaltiriş, ularning ijtimoiy-siyosiy islohotlardagi iştirokini kengaytiriş, oila, onalik va bolalikni muhofaza qiliş ustuvor vazifaga aylandi. Bu borada mustahkam huquqiy asoslar yaratilib, amaliyotga joriy etildi. Ayniqsa jamiyat va davlatni boşqarişda xotin-qizlar iştirokini kengaytirişga eʼtibor kuçaydi.
Bugungi kunda joylarda mavjud muammolarni bartaraf etişda, oilalar mustahkamligini taʼminlaşda, komil farzandlarni voyaga yetkazişda, ularning öz salohiyati, qobiliyatini jamiyatimiz ravnaqi yölida safarbar etişida yurtimiz ayollarining munosib hissasi bor. Har jabhada örni bor ayollar yurtimizda milliy urf-odatlarimiz, qadriyatlarimiz, anʼanalarimizni köz qoraçiğiday asrab-avaylab, kelgusi avlodlarga yetkazişda mustahkam rişta bölib xizmat qiladi.
Maʼlumki xalqimizning asriy anʼanalaridan biri – hunar örganiş, mehnatsevarlikdir. Öz hunari orqali halol rizq topiş, öz turmuşini özi fayzli, obod va farovon etişga intiliş – yurtimiz ayollariga xosdir.
Şuningdek, ular quvnoq, mehmondöst va oçiq köngil, tarixiy ildizlariga sadoqatli. Şu boisdan ham qutluğ kunlarni, bayram sayillarni milliy qöşiqlar, raqslar ijro etib, aytişuvlarda bellaşib, zavqli ötkazadilar. Borini dasturxonga tökib, mehmondöstligini, pazandaligini, odobini namoyiş etişni xuş köradilar.
26-avgust kuni tumanimizning Dörman ovuli xotin-qizlari uçun “Ayol baxtli bölsa, oila baxtli böladi, oila baxtli bölsa, jamiyat baxtli böladi” degan ğoyani özida ifoda etgan, mustaqilligimizning 32 yilligi munosabati bilan milliy urf-odatlarimiz qadriyatlarimizni tarğib etuvçi tadbir ötkazildi.
Tadbirda tuman hokimi örinbosari, Oila va xotin-qizlar bölimi boşliği Gözal Soburova, Ayollarni reabilitatsiya qiliş va moslaştiriş Qoraqalpoğiston Respublikasi tumanlararo markazi direktori Gavhar Çimboyçiyeva, Farovon mahallasi hokim yordamçisi Muqaddas Beknazarova, ovul xotin-qizlar faoli, köçaboşçi ayollari, nuroniy onaxonlar, şuningdek, hududdagi ovul-mahallalarning xotin-qizlar faollari, köçaboşçi ayollari iştirok etdilar.
Tadbir hudud ayollari qöl mehnati mahsuli bölgan tikuvçilik, töqimaçilik mahsulotlari, hunarmandçilik mahsulotlari körgazmasi bilan boşlandi. Iştirokçilar dörmanlik ayollar oddiy qoğozdan, yelim idişlardan yasagan gullar, naqşli şakllarni, töquvçilik, tikuvçilik namunalarini körib hayratga tuşdilar.
Urf-odatlarimizga köra mehmonlarni milliy kiyimlardagi qizlar, kelinlar tavoze bilan, non-tuz tutib kutib oldilar.
Şöx musiqa sadolari ostida mehmonlar öz örinlarini egalladilar va dörmanlik mohir onaxonlar ijrosida xalqimizning qadimiy qöşiqlarini, aytişuvlarini, alla-laparlarini tinglab, maroqli hordiq çiqardilar.
Ayniqsa yor-yor, kelin salomlari ijrosi barçaga manzur böldi.
Dörman ovulining eng sölim göşasi - baland arçalar, manzarali daraxtlar sos solib turgan 83-sonli maktab oldida taşkillaştirilgan milliy urf-odat, anʼana va qadriyatlarimizni tarğib etişga bağişlangan tadbir hudud ayollari hayotida öçmas xotiralar qoldirdi. Milliy qadriyatlar xalqimizning bebaho boyligi ekanligini qalblariga teran joyladi.
Oygul RAJABOVA.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶