VASIYaTNOMA NOTARIAL TARTIBDA TUZILADI
Özbekiston Respublikasi Fuqarolik Kodeksining 1120-moddasiga asosan fuqaroning öziga tegişli mol-mulkini, yaʼni uy-joy, avtomototransport, bino, inşoot va boşqalar yoki bu mol-mulkka nisbatan huquqini vafot etgan taqdirda uni tasarruf etiş xususidagi xohiş-irodasi “vasiyat” deb eʼtirof etiladi. Vasiyatnomani yozib qoldiriş uçun fuqaro xohlagan notarial idoraga şaxsan murojaat qilişi lozim, çunki vasiyatnoma şaxsan tuziladi.
Vasiyatnomaning vakil orqali tuzilişiga yöl qöyilmaydi. Vasiyat qiluvçi qonun böyiça merosxörlardan bittasini, bir neçasini yoki hammasini izoh bermagan holda merosdan mahrum qilişga haqli. Vasiyatnomani tasdiqlab berişda vasiyat qiluvçidan uning şaxsini tasdiqlovçi hujjati, yaʼni pasporti, harbiy xizmatçilar uçun esa harbiy guvohnomasi talab qilinadi. Vasiyat qilinayotgan mol-mulkka bölgan huquqni tasdiqlovçi hujjatlarni taqdim etiş talab qilinmaydi.
Vasiyatnoma yozilgan joyi va vaqti körsatilgan holda yozma şaklda tuzilişi lozim. Yozma şakldagi vasiyatnoma vasiyat qiluvçining öz qöli bilan imzolanişi lozim. Agar vasiyat qiluvçi jismoniy nuqsonlari, kasalligi yoki savodsizligi tufayli vasiyatnomani öz qöli bilan imzolay olmasa, uning iltimosiga binoan notarius yoki qonunga muvofiq vasiyatnomani tasdiqlaydigan boşqa şaxs hozir bölganida vasiyat qiluvçi öz qöli bilan imzolay olmaganligining sabablari körsatilgan holda vasiyatnomaga boşqa şaxs imzo qöyişi mumkin.
Vasiyat qiluvçining örniga notarius yoki vasiyatnomani tasdiqlovçi boşqa şaxs, vasiyatnoma kimning foydasiga tuzilgan yoki kimga nisbatan vasiyat majburiyati yuklatilgan bölsa, öşa şaxs, uning eri, xotini, bolalari, ota-onasi, nevaralari va çevaralari, şuningdek, vasiyat qiluvçining qonun böyiça merosxörlari imzo qöyişi mumkin emas. Undan taşqari, töliq muomala layoqatiga ega bölmagan fuqarolar, savodsizlar va vasiyatnomani öqiy olmaydigan boşqa şaxslar, yolğon guvohlik berganlik uçun muqaddam sudlangan şaxslar ham vasiyat qiluvçining örniga imzo qöya olmaydi.
Vasiyat qiluvçi istalgan vaqtda öz vasiyatnomasini yangi vasiyatnoma tuziş orqali bekor qilişga, özgartirişga yoki töldirişga haqlidir.
N.Jumaniyozova, tuman Adliya bölimi boş maslahatçisi.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶