TUMAN HUDUDIDAGI OVUL VA MAHALLALAR ChEGARALARI BELGILANDI

Davlat kadastrlari palatasi tuman filiali tomonidan yuridik va jismoniy shaxslarga tegishli jami 45302 ta koʻchmas mulk obʼekti, yaʼni 42051 ta turar joy, 3251 ta noturar joy obʼektlari hisobga olingan.

Shundan 33205 ta koʻchmas mulk obʼektlarining huquqni tasdiqlovchi xujjatlari boʻlib, 25789 ta koʻchmas mulk obʼektlariga kadastr hujjatlari tayyorlangan va davlat roʻyxatidan oʻtkazilgan.

Huquqni tasdiqlovchi hujjati mavjud boʻlgan 7416 ta koʻchmas mulk obʼektlarini davlat roʻyxatidan oʻtkazish boʻyicha 2022-yil 16-noyabr kunidan boshlab, 3 oylik       rejaviy jadval tuzilib, hozirda roʻyxatdan oʻtkazish ishlari amalga oshirilib kelinmoqda.

Prezidentning 2022-yildagi “Mahalla institutining jamiyat hayotidagi rolini mustahkamlash va moliyaviy imkoniyatini yanada kengaytirish chora-tadbirlari toʻgʻrisida”gi Qarorining 4a-bandida 2023-yil 1-yanvarga qadar Mahalla va nuroniylarni qoʻllab-quvvatlash vazirligi Kadastr agentligi bilan birgalikda har bir mahallaning aniq chegaralari belgilanishini hamda Davlat statistika qoʻmitasi bilan birgalikda mahallalarning yagona klassifikatori ishlab chiqilib, Davlat statistika qoʻmitasining rasmiy veb-saytida eʼlon qilinishini taʼminlash koʻrsatilgan edi.

Mazkur Qarorga asosan tumandagi 16 ta ovul, 31 ta mahalla va 2 ta shaharchalarning chegaralari belgilandi.

Ovul va mahallalarining chegaralari amaldagi qonunchilik hujjatlariga, tegishli vakolatli tashkilotlar koʻrsatmalariga, shuningdek, chegara chizigʻi davlatlararo chegaralarini delimitatsiya va demarkatsiya qilish boʻyicha mavjud tasniflarga asoslangan holda belgilandi.

Ish jarayonida tayyorlangan har bir xaritadagi holatga aloqador boʻlgan, yaʼni ovul va mahalla fuqarolar yigʻinlari bilan chegaradosh boʻlgan fuqarolar yigʻinlari raislari bilan kelishildi, yuzaga kelgan tushunmovchiliklar boʻlgan taqdirda ular asoslab berildi.

Sh.Sultanov, Davlat kadastrlari palatasi tuman filiali boshligʻi.