Oʻzbekiston Respublikasi Prezidentining 2022-yil 20-dekabr kuni Oliy Majlis va Oʻzbekiston xalqiga yoʻllagan Murojaatnomasi toʻgʻrisida

Prezidentimiz Shavkat Mirziyoyevning Oliy Majlis va Oʻzbekiston xalqiga yoʻllagan Murojaatnomasida sud tizimi oldiga salmoqli vazifalar qoʻyildi.

Murajatnama nizam ustinligin tamiynleoʻ ham sud huqiq taraoʻin jedellestirioʻdi izbe iz daoʻam yettirioʻge ayriqsha itibar berildi. Inson huquq va erkinliklarini ishonchli himoya qilish davlatning konstitutsiyaviy majburiyati sifatida belgilanishi lozimligi taʼkidlandi. 

Qayd etish kerakki, odil sudlov borasida amalga oshirilayotgan islohotlar zamirida, avvalo, inson qadrini ulugʻlash, fuqarolarning huquq va erkinliklari, qonuniy manfaatlarini taʼminlash kabi ustuvor vazifalar yotadi.  

Shu oʻrinda davlatimiz rahbari tomonidan sud qarorlarining barqarorligini taʼminlash masalasi bugungi kunda eng dolzarbligi yana bir bor qayd etildi.  

Murojaatnomada aynan odamlarning joylarda sudma-sud sarson boʻlib yurishlariga barham berilishi maqsadida amaldagi sud qarorlarini qayta koʻrish tizimini tubdan takomillashtirish zarurligi aytildi. Buning uchun, albatta, adolatli hukm va qaror chiqarish boʻyicha viloyat sudlarining vakolati ham, masʼuliyati ham oshiriladi.  

Davlatimiz rahbari tintuv oʻtkazish, telefon soʻzlashuvini eshitish va mulkni xatlashga sanktsiyani prokurordan sudga oʻtkazish masalasiga eʼtibor berganini alohida taʼkidlash lozim. Hech mubolagʻasiz aytish mumkinki, bu xususiy mulk daxlsizligini kuchaytirish yoʻlida ilgʻor va dadil qadam boʻladi. Bundan buyon mulk huquqini cheklashga oid har qanday harakat faqat sud orqali boʻladi.  

Davlatimiz rahbari maʼmuriy sudlar faoliyati haqida soʻz yuritib, ularga hokim qaroridan norozi boʻlib murojaat qilingan taqdirda, ishlarni eksterritorial tartibda, yaʼni boshqa hududda ham koʻrish amaliyotini joriy qilishni belgilab berdi.  

Bundan tashqari, sud hujjatlari ijro etilishini taʼminlashga qaratilgan taʼsirchan mexanizmlarni joriy etish, insonparvarlik tamoyillari asosida

qonunchilikni takomillashtirish siyosatini davom ettirishga alohida eʼtibor qaratildi.  

Xususan, tergov ustidan sud nazoratini kuchaytirish, advokatning vakolatlarini, shu jumladan, dalillarni toʻplash va taqdim etish vakolatlarini kengaytirish, tomonlarning tenglik va tortishuv tamoyillarini, sud ish yurituvida tortishuv printsipini amalda taʼminlash ikoniyatlarini yaratish haqida toʻxtalib oʻtildi.  

Sud sohasiga oid ustuvor vazifalar va bizning oldimizga qoʻygan maqsadimiz jamiyatda qonun hamda adolat ustuvorligini taʼminlash orqali inson huquq va erkinliklarini kafolatli himoya qilishga qaratilgan.  

Buning uchun odil sudlov sohasidagi mavjud muammolarni bosqichma-bosqich bartaraf etishimiz va ushbu vazifalarni masʼuliyat bilan bajarishimiz lozim.  

Sud tizimida amalga oshiriladigan ishlar, yangi islohotlar odil sudlov sifatini oshirishga, bu esa fuqaro va tadbirkorlarning huquq va qonuniy manfaatlarini himoya qilishga, shuningdek, mamlakatimizning rivojlanishiga xizmat qiladi, deb ishonaman.  

Shuning uchun buni amalda taʼminlash uchun barcha imkoniyatlarni ishga solamiz. Oldimizda turgan ulkan vazifalarni toʻlaqonli bajarish nafaqat sud rahbariyati, balki har bir sudya, xodimdan katta masʼuliyat talab qilishi nuqtai nazaridan faoliyatimizni yanada kuchaytiramiz.

A.Saliyev, Nukus tumanlar aro maʼmuriy sudi sudyasi