ÖN YoŞGA MASʼUL NURONIY
Ötgan davrda yurtimizda keksalarni davlat tomonidan qöllab-quvvatlaşni kuçaytiriş, ularga ijtimoiy xizmatlar körsatiş tizimini yaxşilaş borasida köpgina çora-tadbirlar amalga oşirildi hamda yoşlar tarbiyasida keksalarning roli kuçaytirilib, “Bir nuroniy – ön yoşga masʼul” tamoyili asosida tarbiyasi oğir, maʼnaviy kömakka muhtoj yoşlarni tarbiyalaşga jalb etilmoqda.
Bu boradagi işlarni yanada jonlantiriş maqsadida Mahalla va nuroniylarni qöllab-quvvatlaş vazirligi, Yoşlar işlari agentligi hamda Respublika Maʼnaviyat va maʼrifat markazi tomonidan işsiz, tarbiyasi oğir va muammoli yoşlarni jamiyatga nafi tegadigan şaxslar qilib tarbiyalaş maqsadida maxsus dastur işlab çiqilgan edi.
Dasturga muvofiq tarbiyasi oğir, muammosi bor bölgan kam taʼminlangan oilalar farzandlari “Bir nuroniy – ön yoşga masʼul” tamoyili asosida mahallalardagi hurmatga sazovor keksa avlod vakillari va ziyolilarga biriktirildi.
Tumanimizning Bobur nomli ovulida yaşovçi Murotboy Soburov ham öz mahallasidagi tarbiyasi oğir, işsiz va muammoli yoşlarni öz qaramoğiga olib, ularni milliy qadriyatlarimizga hurmat, mamlakatimizda amalga oşirilayotgan islohotlarga daxldorlik, özaro ahillik ruhida tarbiyalaşga intilmoqda.
Bu – bejiz emas. Otaxon 6-sonli maktabda 36-yil bolalarga öz bilimlarini örgatdi, oliy toifali matematika fani öqituvçisi, Özbekiston Xalq Taʼlimi aʼloçisi, “Metodist öqituvçisi” kökrak nişoni bilan taqdirlangan.
Bugungi kunda mahalla faxriysi sifatida eʼtiborli, katta hayotiy tajribaga ega bölgan faol otaxonga özi istiqomat qilayotgan ovulning 10 nafar uyuşmagan işsiz yoşlari biriktirilgan. Bu esa bir tomondan Murotboy Soburov kabi nuroniylarimizga ijtimoiy hayotda faol iştirok etiş, öz tajribalarini foydali işlarga yönaltiriş va odamlar uçun kerakli ekanliklarini his etiş imkonini beradi. Qolaversa, yoşlarga urf-odatlarimizni, anʼanalarimizni eʼzozlaş, asrab-avaylaşni singdirayotgani tahsinga sazovordir.
Murotboy Soburov öz qaramoğidagi ön nafar yoşlarga moddiy va maʼnaviy yordam körsatmoqda, ular bilan doimiy ravişda suhbatlaşib turadi, oilaviy ahvoli bilan yaqindan tanişib, muammolariga yeçim topadi.
Yaqindagina ulardan birining talaba akasining kontrakt pullari tölab berilişiga kömaklaşdi, şuningdek, ota-onasi ajraşib ketgan, töliq bölmagan oila farzandining işga joylaşişiga, biriga dehqonçilik qiliş uçun yer ajratilişiga erişdi. Ularning böş vaqtlarini mazmunli ötkaziş uçun tadbirlar ötkazib kelmoqda.
Şu yilning 18-iyunida nuroniylarning maʼnaviy kömakka muhtoj yoşlar bilan işlaşiş, ijtimoiy-maʼnaviy muhitni barqarorlaştiriş, ularni Vatanga muhabbat ruhida tarbiyalaş borasidagi faoliyatini yanada takomillaştirişga xizmat qiliş borasida jamoatçilik asosida faoliyat yuritayotgan bir guruh nuroniylar iştirokida “Bir nuroniy – ön yoşga masʼul” körik-tanlovining tuman bosqiçi ötkazilgan edi. Uşbu tanlovda jamoat işlarida faol harakat qilayotgan Murotboy Soburov ğolib bölgan edi.
Bundan ruhlangan otaxon hozirgi kunda uşbu tanlovning Qoraqalpoğiston Respublikasi bosqiçida ham muvaffaqiyatli iştirok etiş uçun qizğin hozirlik körayapti va zimmasidagi jamoatçilik asosidagi vazifalarini ham sidqidildan ado etayotir.
Oygul RAJABOVA.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶