SUD MASʼULLARINING UChRAShUVI OʻTKAZILDI
Amudaryo tumanidagi Davlat soliq inspektsiyasi binosida sud masʼullari bilan uchrashuv boʻlib oʻtdi.
2022-yil 11-mart kuni ochiq muloqot tarzida boʻlib oʻtgan ushbu uchrashuvda Qoraqalpogʻiston Respublikasi sudi sudyasi S.Davletmuradov, Jinoyat ishlari boʻyicha Amudaryo tuman sudi raisi J.Urazboyev, tuman Davlat soliq inspektsiyasi boshligʻi oʻrinbosari O.Ashirboyev va tuman DSI xodimlari ishtirok etdilar.
Tadbir davomida sud masʼullari qonunchilikdagi oʻzgarishlar, hujjatlarning amaldagi ijrosi va shu kabi masalalar yuzasidan soʻz yuritdilar. Shuningdek, Oʻzbekiston Respublikasi Prezidentining 2021-yil 6-iyuldagi “Korruptsiyaga qarshi murosasiz munosabatda boʻlish muhitini yaratish, davlat va jamiyat boshqaruvida korruptsiyaviy omillarni keskin kamaytirish va bunda jamoatchilik ishtirokini kengaytirish chora-tadbirlari toʻgʻrisida”gi Farmoni bilan tasdiqlangan Korruptsiyaga qarshi kurashish boʻyicha 2021-2022-yillarga moʻljallangan davlat dasturining 34-bandi ijrosini taʼminlash borasida batafsil toʻxtalib oʻtildi. Korruptsiya davlat va jamiyat taraqqiyoti uchun eng jiddiy xavf-xatarlardan biri ekanligi, uning oldini olish chora-tadbirlari, korruptsiya holatlari boʻyicha sudlarda koʻrib chiqilgan jinoyat ishlari, ularga nisbatan qoʻllanilgan jazolar toʻgʻrisida ham batafsil maʼlumot berilib, bu kabi jinoyatlarga yoʻl qoʻymaslik borasida fikr-mulohazalar bildirildi.
Uchrashuvda ishtirokchilar oʻzlarini qiziqtirgan savollar bilan murojaat qilib, tegishli javoblar oldilar.
S.Davletmuradov, Qoraqalpogʻiston Respublikasi sudi sudyasi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
