“DIQQAT, PIYoDA” TADBIRI NAMUNALI OʻTKAZILDI

Yoʻllar tasodiflarga toʻla, koʻngilsiz hodisalar tez-tez sodir boʻlayotgani hech kimga sir emas. Buni ayrimlar  yoʻllarda transport vositalarining koʻpligi bilan izohlashadi. Aslida esa piyodalar, transport vositalarini boshqarayotganlarning barchasi yoʻl harakati qoidalariga  rioya qilganlarida edi, baxtsiz yoʻl hodisalari sodir boʻlmas edi.

Piyodalar bilan bogʻliq yoʻl-tarnsport hodisalarining oldini olish, ularga yoʻl harakati qoidalarini targʻib, etish maqsadida Qoraqalpogʻiston Respublikasi Ichki ishlar vazirligi yoʻl harakati xavfsizligi boshqarmasi 13-noyabrdan 23-noyabrgacha  “Diqqat, piyoda!” tadbirini oʻtkazishni rejalashtirgan edi.

Rejaga muvofiq Qoraqalpogʻiston Respublikasi Ichki  ishlar vazirligi  Yoʻl harakati xavfsizligi boshqarmasi xodimlari tomonidan piyodalarning yoʻlning belgilanmagan qismidan kesib oʻtishi natijasida harakat xavfsizligiga qoidalarining koʻpol tarzda buzilishi holatlari sodir boʻlayotganligi, yoʻlda harakatlanganda qoidalarga rioya  qilish umr foydasi ekanligi keng targʻib etishga bagʻishlangan muassasalarda, korxonalarda mahallalarda va taʼlim maskanlarida koʻpgina targʻibot tadbirlari oʻtkazildi.

Buning uchun respublikamizning barcha hududlarida boʻlgani kabi tumanimizda ham umumiy oʻrta taʼlim, maktabgacha taʼlim muassasalari, litseylarga Ichki ishlar boʻlimi yoʻl harakati xavfsizligi xodimlari biriktirildi. Ularga oʻquv yili davomida oʻquvchilarga yoʻl harakati  xavfsizligi dars soatlarining namunali oʻtkazilishini nazorat qilib borish ham yuklatildi. Darslar boshlanish va tugash vaqtlarida taʼlim muassasasiga yaqin yoʻl kesishmalarida oʻqituvchilarning navbatchiligini tashkil etish, shuningdek, serqatnov, katta yoʻllar boʻylariga tegishli  yoʻl harakati belgilari oʻrnatilishini taʼminlash, piyodalar oʻtish joyidagi yoʻl chiziqlarining texnik holatiga, koʻrinarli holatda boʻlishiga eʼtibor qaratish, bu borada mavjud kamchiliklarni bartaraf etish vazifasi amalga oshirildi. 10 kun mobaynida amalga oshirilgan tadbirlar davomida yoʻllarda piyodalarga belgilanmagan joydan kesib oʻtish oqibatlari, yoʻl harakati qoidalariga amal qilish foydalari keng tushuntirildi.

Yoʻl harakati qoidasi – umr foydasi! Har birimizning qoidalarga amal qilishimiz – qancha-qancha  yoʻllardagi baxtsiz hodisalarning oldini olishga zamin yaratadi.

Orifjon QOSIMOV, tuman IIB HPB boshligʻi.