AMUDARYo TUMANI PROKURATURASI XODIMLARI RESPUBLIKA PROKURORI KUBOGI MUSOBAQALARI GʻOLIBI BOʻLIShDI
Yurtimizda jismoniy tarbiya va sportni yanada rivojlantirish, uning ommaviyligini oshirish, aholining barcha qatlamlari orasida sogʻlom turmush tarzini keng targʻib qilish tobora kuchaymoqda. Ayniqsa, turli soha xodimlari oʻrtasida sport musobaqalarining tashkil etilishi anʼanaga aylanmoqda.
Yaqinda Qoraqalpogʻiston Respublika prokuraturasi xodimlari oʻrtasida ham sportning mini-futbol, shashka va stol tennis turlari boʻyicha “Qoraqalpogʻiston Respublikasi prokurori kubogi” musobaqalari tashkil etildi.
Nukus shahrida sportning mini-futbol turi boʻyicha boʻlib oʻtgan musobaqasida har bir tuman prokuraturasi xodimlaridan tashkil qilingan 20 ta jamoa oʻrtasida qizgʻin bellashuv boʻldi. Murosasiz kechgan musobaqa davomida oʻz mahoratini koʻrsatgan jamoalardan Amudaryo tumani prokuraturasi xodimlarining “Amudaryo” jamoasi 1-oʻrinni egalladi.
Shundan soʻng, prokuratura xodimlari shaxmat boʻyicha musobaqalarda ishtirok etib, oʻz iqtidorlarini namoyish etdilar.
Sportning stol tennis turi boʻyicha oʻtkazilgan musobaqalarida ham Amudaryo tumani prokuraturasi xodimlari chaqqonliklarini va abjirliklarini koʻrsatishdi. Musobaqada kuch sinashgan 18 nafar sportchi-xodimlarni magʻlub etgan Amudaryo tumani prokuraturasi xodimi A.Bekbergenov gʻoliblikni qoʻlga kiritdi.
Kubok gʻolibi boʻlgan Amudaryo tumani prokuraturasi xodimlarining sport jamoasi Qoraqalpogʻiston Respublikasi prokurori F.Allambergenov tomonidan berilgan sovgʻalarga ega boʻldi.
O.Xudoyberganova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
