AMUDARYoLIK IIV FAXRIYSI «YILNING ENG FAOL FAXRIY XODIMI» KOʻRIK-TANLOVINING OʻZBEKISTON RESPUBLIKASI BOSQIChI SOVRINDORI BOʻLDI
Mamlakatimizning barcha hududlarida Oʻzbekiston Respublikasi IIV faxriy xodimlari oʻrtasida «Yilning eng faol faxriy xodimi» koʻrik-tanlovi tashkil etildi. Oʻzbekiston Respublikasi ichki ishlar organlari tashkil etilganining 30 yilligi arafasida boʻlib oʻtgan ushbu tanlovda tizimda uzoq yillar xizmat qilgan, hozirgi kunda ham oʻz tajriba va bilimlarini yosh avlodga oʻrgatib kelayotgan, soha rivojiga munosib hissa qoʻshayotgan IIV faxriy xodimlari qatnashishdi.
27-oktyabr kuni Toshkent shahrida Oʻzbekiston Respublikasi Ichki ishlar vazirligi Akademiyasida mazkur tanlovning yakuniy bosqichi oʻtkazildi. Ushbu bosqichda tanlovning Qoraqalpogʻiston Respublikasi bosqichi gʻolibi – amudaryolik IIV faxriy xodimi, isteʼfodagi mayor Jahongir Xolmurodov ham ishtirok etdi va tanlov davomida belgilangan shartlar asosida respublikaning barcha hududlaridan tashrif buyurgan soha faxriylari qatori oʻtgan yillar mobaynidagi amaliy ishlarini taqdim etib, bilim va iqtidorini sinovdan oʻtkazdi.
Dastlabki shartga koʻra tanlovda ishtirok etgan har bir faxriy xodimning oʻtgan bir yil davomida davlat va jamiyat hayoti bilan bogʻliq amalga oshirgan ishlari, jumladan yosh avlodni tarbiyalash, ustoz-shogird anʼanalari, faxriylar maktabidagi faoliyati va boshqa sohalarda amalga oshirgan ishlari bilan tanishib chiqildi. Keyingi shart boʻyicha intellektual sport oʻyini, yaʼni shaxmat musobaqasi oʻtkazildi. Soʻnggi shartga koʻra, yurtimizda amalga oshirilayotgan soʻnggi islohotlar, ichki ishlar organlari tizimi, yurtimiz tarixi, adabiyoti, sanʼati, madaniyati va boshqa muhim yoʻnalishlar boʻyicha tuzilgan savollar asosida faxriylarning bilimlari aniqlandi. Shuningdek, shart davomida huquqni muhofaza qiluvchi organlari faoliyatini takomillashtirish boʻyicha taklif va muammolarni ilgari surib, ularni hal etishning turli innovatsion yoʻllarini koʻrsatib berishdi. Tanlovda ishtirokchilar sanʼat, madaniyat, adabiyot, fan, texnika va boshqa yoʻnalishlardagi isteʼdodlarini ham namoyish etishdi.
«Yilning eng faol faxriy xodimi» koʻrik-tanlovining Oʻzbekiston Respublikasi bosqichida muvaffaqiyatli ishtirok etgan amudaryolik IIV faxriysi, isteʼfodagi mayor Jahongir Xolmurodov «Isteʼdodli faxriy» nominatsiyasi boʻyicha gʻolib deb topildi. Tanlov sovrindoriga Oʻzbekiston Respublikasi Ichki ishlar vazirligining Diplomi, «Oʻzbekiston IIV faxriysi» koʻkrak nishoni hamda qimmatbaho qoʻl soati tantanali ravishda topshirildi.
Sulton Jarilkaganov, tuman IIB boshligʻi oʻrinbosari.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
