SUD BINOSIDA SUDYa VA YoShLAR UChRAShUVI TAShKIL ETILDI
Bugungi kunda yurtimiz jamiyat hayotida yoshlarning huquqiy ongi va madaniyatini yuksaltirish, savodxonligini oshirish va ularni qonunlarga hurmat ruhida tarbiyalash demokratik davlatimizdagi ustuvor vazifalardan biri hisoblanadi. Shu bois yoshlarni huquqiy bilimli, dunyoqarashi keng, bugungi kunda tizimda amalga oshirilayotgan islohotlar, sud tizimi faoliyati bilan yaqindan tanishtirish maqsadida joylarda sud masʼullarining yoshlar bilan uchrashuvlari tashkil etilmoqda va bu boʻyicha Yoʻl xaritasida belgilangan vazifalar ijrosi taʼminlanmoqda.
8-sentyabr kun Jinoyat ishlari boʻyicha tuman sudi binosida tuman Xalq taʼlimi boʻlimiga qarashli 87-sonli 11-sinf oʻquvchilari va oʻqituvchilari bilan sud masʼullarining uchrashuvi boʻlib oʻtdi. Mazkur uchrashuvda Jinoyat ishlari boʻyicha Amudaryo tumani sudi raisi Jasur Oʻrazboyev, Fuqarolik ishlar boʻyicha Amudaryo tumani sudi raisi Qayrulla Atamuradovlar ishtirok etishdi.
Yoshlarning huquqiy savodxonligini oshirish, ularni sud-huquq tizimidagi islohotlardan boxabar etish, qonunlarga hurmat ruhida tarbiyalash, sud binolarida oʻtkaziladigan ochiq sud majlisi jarayoni bilan tanishtirish maqsadidagi ushbu uchrashuvda dastlab sud sohasidagi yangiliklar va qonundagi yangi oʻzgarishlar haqida soʻz yuritildi. Shuningdek, yoshlarga bugungi kunda muhtaram Prezidentimizning tashabbuslari bilan mamlakatimizda yoshlarga yaratilayotgan keng imkoniyatlar, sud-huquq tizimida amalga oshirilayotgan islohotlar yuzasidan tushuntirishlar berildi.
Uchrashuv davomida sud tizimida joriy etilayotgan zamonaviy texnologiyalar, ularning imkoniyatlari, sud majlisi ishtirokchilarining sud majlislariga videokonferentsaloqa yordamida ishtirok eta olishi, daʼvo arizasi va boshqa murojaatlarini elektron shaklda taqdim etish imkoniyatlari toʻgʻrisida maʼlumotlar berildi. Shu bilan birga fuqarolarga yaratilayotgan imkoniyatlar, yoshlar tomonidan sodir etilayotgan jinoyatlar va ularning oldini olish boʻyicha tumanda amalga oshirilayotgan chora-tadbirlar haqida alohida toʻxtalib oʻtildi.
Jinoyat ishlari boʻyicha Amudaryo tumani sudi raisi Jasur Oʻrazboyev tomonidan oʻquvchi-yoshlarga jinoyat ishi boʻyicha sud muhokamasini oʻtkazish tartibi, bu borada jinoyat-protsessual qonunchiligi talablari yuzasidan amaliy mashgʻulot oʻtkazildi. Ochiq muloqot tarzida oʻtkazilgan mashgʻulotlar davomida sud raisiga oʻquvchilar sudda ishtirok etish, hujjatlar tayyorlash, sud jarayonining oʻtkazilishi kabilar xususida oʻzlarini qiziqtirgan savollar bilan murojaat etdilar.
Undan tashqari, tadbirda ishtirok etgan Fuqarolik ishlar boʻyicha Amudaryo tumani sudi raisi Qayrulla Atamuradov ham oʻquvchilarga fuqarolik ishlarini koʻrib chiqish, murojaatlarni qabul qilish, hujjatlarni yuritish tartibi haqida batafsil huquqiy tushunchalar berib oʻtdi.
Sud raisi oʻquvchi-yoshlarga sudning vazifalari, odil sudlovning amalga oshirilishi va boshqa sud ishlariga doir masalalar haqida tushuntirishlar berib oʻtdi. Shuningdek, ularning qiziqishlari, kelajakdagi orzulari bilan ham tanishdi. Suhbat davomida aksariyat yoshlar huquq yoʻnalishi boʻyicha turli kasblarga qiziqishlari borligini maʼlum qilishdi.
Uchrashuv davomida oʻquvchi-yoshlar tuman sudi binosi, sud majlisi zallari, xizmat va boshqa xonalari bilan yaqindan tanishtirildi.
O. Xudoyberganova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
