Tuman hafta ichida

7-iyul

Amudaryo tumani huquqni muhofaza qilish organlarining muvofiqlashtiruvchi Kengash yigʻilishi boʻlib oʻtdi. Unda joriy yilning oʻtgan 6 oyida jinoyatchilik va huquqbuzarliklarning oldini olish boʻyicha amalga oshirilgan ishlar muhokama qilindi.

8-iyul

Tumanimizdagi kasb-hunar kollejlarida bitiruvchilarga tantanali ravishda diplom topshirish marosimlari boʻlib oʻtdi. Bu yil 9 ta oʻrta maxsus, kasb-hunar taʼlimi muassasalarini 2830 nafar oʻquvchilar muvaffaqiyatli tamomladilar.

9-iyul

OʻzXDP tuman Kengashining V konferentsiyasi boʻlib oʻtdi. Unda Kengash tomonidan oʻtgan 5-yil ichida amalga oshirilgan ishlar muhokama qilindi.

Shu kuni oʻtkazilganijroqoʻm yigʻilishida Kengashning boshqaruv organlari saylandi.

10-iyul

Mamlakatimiz mustaqilligining 23 yillik bayramini munosib kutib olish maqsadida tuman hokimligi tomonidan targʻibot guruhlari tuzilib, tasdiqlangan rejaga asosan barcha ovul va mahallalarda targʻibot uchrashuvlari boshlandi.

11-iyul

Xitoy ovulida "Yagonasan, muqaddas Vatanim, sevgi va sadoqatim senga baxshida, goʻzal Oʻzbekistonim!" shiori ostida targʻibot uchrashuvi oʻtkazildi.

Unda oʻtgan 23-yil ichida mamlakatimizda qoʻlga kiritilgan ulkan yutuqlar faxr bilan tilga olindi.