TUMAN GAZETASINING BIRINÇI MUHARRIRI
Darhaqiqat, tumanimizdagi barça jurnalistlarning ustozi, tajribali jurnalist va muharrir Sobir Yusupov tuman matbuotida özidan öçmas iz qoldirdi. Agar hayot bölganlarida bu yil tabarruk yuz yoşini birgalikda nişonlagan bölardik.
Rahmatli ustozim Sobir Yusupov Xitoy qişloğida tuğilib, taʼlim-tarbiya olgan, yoşligidan matbuotga, jurnalistikaga juda qiziqqan. U 1940-yildan oldin “Sotsializm yöli” tuman gazetasida işlay boşlagan. Oddiy xodimlikdan muharrirlik darajasiga yetişgan. Yurtimizni faşistlardan ozod etişda ham iştirok etgan. Uruşdan yarador bölib qaytgaç, yana “Sotsializm yöli” gazetasida jurnalistlik faoliyatini davom ettirgan.
1957-yilning dekabr oyi oxirida Xorazm viloyatining Manğit va Qoraqalpoğiston Respublikasiga qaraşli Qipçoq tumanlari birlaştirilgan, öşa paytda Sobir Yusupov Qipçoq tumani vakili sifatida yangi tumanga nom tanlaş hayʼatida qatnaşgan. Yöldoş Fayzullayev esa Manğit tumani vakili bölgan. Rahmatli Yöldoş Fayzullayev suhbatlarning birida “tumanga Amudaryo deb nom berişni S.Yusupov taklif etdi” degandilar.
1958-yilning yanvar oyidan boşlab, yangi tumanda “Amudaryo haqiqati” degan gazeta taşkil etilib, uning birinçi muharriri ustozimiz Sobir Yusupov bölganlar. Men ustoz bilan 1958-yilning fevral oylarida tahririyatda tanişganman. Ustoz menga maqola va şeʼrlar yoziş böyiça maslahatlar berar, xabar, maqolalarimni gazetada yoritib, rağbatlantirar edi, 1960-yildan tuman gazetalari tugatilib, tumanlararo gazeta “Kommunizm ğalabasi” çiqa boşladi. Bu davrlarda ustoz partiya va kasaba uyuşma taşkilotlarida işladi.
1965-yilning iyul oyidan tuman gazetalari qayta taşkil qilindi. Şu yili Sobir Yusupov yana “Amudaryo haqiqati” gazetasi muharriri bölib işlay boşladi. Ustoz meni 1966-yil yanvar oyida gazetaga işga taklif etdi. Dastlab adabiy xodim, keyinçalik bölim mudiri vazifalarida birgalikda işlaganmiz.
Ustoz Sobir Yusupovning şogirdlari juda köp edi. Tursunboy Davlatboyev, Sobir Qutlimurodov, Nurilla Xudoyorov, Qodir Ollamurodov, Yöldoş Ernazarov, Jumamurod Erimmatov, Gulnora Matyoqubova, Safo Matçonov, Tursunboy Sultonov, Qurbonboy Ollamurodov, Ollambergan Jumaniyozov, Guljon Kenjaboyeva, Bibihojar Dösniyozovalar Sobir Yusupovda saboq olgan, munosib şogirdlari edilar.
1975-yilda ustoz Sobir Yusupovni tuman partiya taşkilotiga işga olişdi, u yerda tarğibot bölimi mudiri örinbosari bölib işladi. Keyinçalik pensiyaga çiqdi. 1985-87-yillarda, yaʼni vafot etguniga qadar yana “Amudaryo haqiqati” gazetasida maxsus muxbir bölib, samarali işladi.
Qadrdon ustozimiz maqolalar yoziş bilan birgalikda şeʼrlar ham yozardi, şu boisdan u gazetaga muharrirlik qilgan paytda “Adabiyot sahifasi” oyda ikki-uç marta çiqardi. Tayyorlab berilgan şeʼr va hikoyalar gazetaning barça sonlarida yoritilib turilardi. 1985-87-yillarda gazetada ustozning juda köp tuyuqlari yoritildi, şu jumladan, şeʼrlari ham. Yoritilgan ijod namunalari ikki kitob qilib bosişga yetadi, çamamda. Bularning bari ustozdan qolgan öçmas izlardir. Şuningdek, u Töxta momomiz bilan uzoq yaşab farzandlar, nevaralar körişdi. Ayni kunda çevaralari ham jamiyatimizning faol aʼzolaridan biri. Nevarasi Zumrad Bekatova esa ayni kunda Özbekiston Respublikasi Oliy Majlisi Qonunçilik Palatasi deputati bölib, elimizga xizmat qilmoqda.
Uşbu maqolani yozişdan maqsad, ustoz ruhiga yana bir marta ehtirom körsatmoq, zamondoşlarining, şogirdlarining u haqdagi xotiralarini gazetada yoritilişiga turtki bölişdir. Biz uçun qadrli bölgan ustozimizning 100 yillik yubiley tadbirini kuz oylarida ötkaziş niyatimiz bor.
Ilohim, ruhingiz şod, iymoningiz hamroh, oxiratingiz obod bölsin, Ustoz!
Saʼdulla XÖJANIYoZOV,
faxriy jurnalist.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶