“PIRLS 2021” ASOSIY TADQIQOTI OʻTKAZILDI

Taʼlim sohasidagi yutuqlarni baholash xalqaro assotsiatsiyasi (IEA) tomonidan 16-sonli IDUMda tadqiqot sinovi oʻtkazildi. 

5-aprel kuni taʼlim muassasalarining boshlangʻich sinfi oʻquvchilari toʻrt yil mobaynida qay darajada bilimga ega boʻlganliklarini aniqlash maqsadida oʻtkazilgan ushbu tadqiqotda tumanimizdagi 16-sonli IDUMning 4-“B” sinfida tahsil oluvchi oʻquvchilar hamda ularning ota-onalari, maktab direktorlari va sinf rahbarlari ishtirok etdi.

PIRLS asosiy tadqiqoti qogʻoz shaklida  oʻtkazildi. Unda 4-sinf oʻquvchilari matnni oʻqib tushunish darajalarini baholovchi test topshiriqlarini bajardilar hamda taʼlimga qiziqishlari, uy va maktab sharoitlari toʻgʻrisidagi shaxsiy fikrlarini namoyon etuvchi oʻquvchi soʻrovnomasini toʻldirdilar.

Shuningdek, ishtirokchi maktab rahbarlari va tanlangan sinf rahbarlari taʼlim muassasasidagi taʼlim muhitini oʻrganuvchi maktab va oʻqituvchi soʻrovnomasini, oʻquvchilarning ota-onalari esa farzandlarining taʼlim olish sharoitlarini oʻrganuvchi “Ilk oʻrganish soʻrovnomasi”ni toʻldirib berdi. Tadqiqotni oʻtkazishga masʼul qilib  belgilangan test administratori Milliy markazi bosh mutaxassisi K.Mamajonov, kuzatuvchi Toʻrtkul tumani XTB TSMB inspektor-metodisti X.Qurbaniyazov va maktab koordinatori G.Pirmanovalar hamkorlikda asosiy sinov jarayonini eng yuqori standart va belgilangan tartiblarga rioya qilgan holda ajratilgan vaqtda sifatli oʻtkazdilar. Tadqiqot yakunida Milliy sifat test administratori, nazoratchi va maktab koordinatori tomonidan birgalikda materiallarni tegishli tartibda rasmiylashtirilib, direktor tomonidan muhrladi.

Oʻquvchilar va ularning ota-onalari PIRLS asosiy tadqiqotlarida ishtirok qilganligidan mamnun boʻldilar.

R.Xolmurodov, XTB taʼlim sifati monitoringi bosh inspektor-metodisti.