Jajji bolajonlar aziz onaxonlarni bahor ayyomi bilan tabrikladilar
Tumanimizdagi 5-sonli Maktabgacha taʼlim tashkilotining Maktabgacha tayyorlov “A” guruhida “8-mart - onajonlar bayrami” mavzusida bayram tadbiri oʻtkazildi. Tadbirni MTT rahbari Xafiza Oʻrazmetova ochib, barchani bayram bilan tabrikladi. Maktabgacha tayyorlov guruhi qizaloqlari tomonidan tarbiyachi opalari bilan tayyorlagan Ona va Bahor haqidagi sahna koʻrinishlari namoyish etildi. Sahna koʻrinishida jajji qizaloqlarimiz bir-biri bilan oʻrtoqlashish, oʻzaro gʻamxoʻrlik, mehribonlik, ozodalik, kattalarni hurmat qilish kabi his-tuygʻularni hayotiy voqealar asosida koʻrsatib bordilar.
Tadbir davomida jajji qizaloqlar olma mevalarini archib, likobchaga turli hil shaklda terib, boshqa mevalar bilan bezatishdi va dasturxonga tortishdi.
Maktabgacha yoshdagi bolalarga oʻzbek xalqining milliy urf-odatlari, anʼanalari va insoniy xislatlari asosida tarbiya berilishi muhim ahamiyatga ega. Shuni inobatga olib, bolajonlar turli millat vakillari sifatida namoyon boʻldilar va tumanimizda yashovchi millatlarning urf-odatlari, milliy naqshlari, kiyimi, bosh kiyimi haqida tushuncha berdilar. Ularning ichida oʻzbek doʻppisi eng goʻzal bosh kiyimi ekanligini sheʼrlar orqali izohladilar.
Bayram tadbiri oxirida maktabgacha tayyorlov “A” guruhi oʻgʻil-bolalari oʻzlarining kuy-qoʻshiqlari, sheʼrlari bilan qizaloqlarni tabrikladilar. Shuningdek, MTT uslubchisi Gulchehra Yuldasheva tarbiyalanuvchilarni MTT maʼmuriyati tomonidan faxriy yorliq bilan taqdirladi. Ota-onalar esa oʻz farzandlarining koʻzlaridagi quvonchni koʻrib, tarbiyachi-bogʻcha opalarga oʻz minnatdorchiligini bildirdilar.
Holida Xayitboyeva, 5-MTT tarbiyachisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
