TADBIRKORLAR MUAMMOLARINI YeChISh – ASOSIY VAZIFA QILIB BELGILANDI
Oʻzbekiston Respublikasi Bosh vazirining Tadbirkorlar murojaatlarini koʻrib chiqish qabulxonasi huzurida tumandagi faol tadbirkorlar, huquqshunoslar va tadbirkorlarning boshqa vakillaridan iborat Tadbirkorlar jamoatchilik kengashi faoliyati yoʻlga qoʻyilgan edi.
Kengash tomonidan oʻtgan yil davomida 12-marta yigʻilish oʻtkazildi. Bosh vazirining tumandagi Tadbirkorlar murojaatlarini koʻrib chiqish qabulxonasiga kelib tushayotgan murojaatlar boʻyicha asosan qaysi sohada tizimli muammolar uchrayotganligi va ushbu murojaatlarning ijobiy hal etilishi jamoatchilik Kengashi aʼzolari tomonidan har oyda tahlil qilinib borildi. Tumanda kichik biznes va tadbirkorlikni rivojlantirishga toʻsiq va gʻov boʻlayotgan muammolarni bartaraf etish boʻyicha Kichik biznes va tadbirkorlikni rivojlantirish agentligiga taqdim qilish uchun 17 ta takliflar kiritildi.
Joriy yilning yanvar oyida tuman hokimligida Tadbirkorlar kengashining navbatdagi yigʻilishida tumandagi Bosh vazirning Tadbirkorlar murojaatlarini koʻrib chiqish qabulxonasi huzuridagi Tadbirkorlar jamoatchilik Kengashining 2021-yilga ish-rejasi tasdiqlandi. Shunga koʻra, doimiy ravishda kichik biznes va tadbirkorlikni rivojlantirishga toʻsiq va gʻov boʻlayotgan muammolarni bartaraf etish boʻyicha takliflarni ishlab chiqish, jamoatchilik kengashi va boshqa tegishli tashkilotlar bilan tadbirkorlarning huquqiy madaniyatini oshirish va iqtisodiy koʻnikmalarini shakllantirish boʻyicha tizimli aloqalarni yoʻlga qoʻyish kabilar boʻyicha vazifalar belgilandi. Shuningdek, tadbirkorlarning huquqlari, erkinliklari va qonuniy manfaatlariga dahl qiluvchi eng muhim masalalar yuzasidan jamoatchilik fikrini tizimli monitoring qilib borish asosiy maqsad qilib olindi.
Tadbirkorlikka koʻmaklashish markazi, Adliya boʻlimi, Fermer, dehqon xoʻjaliklari va tomorqa yer egalari kengashlari bilan hamkorlikda tadbirkorlik faoliyatini qoʻllab-quvvatlash borasida amalga oshirilayotgan islohotlarning mazmun-mohiyati haqida doimiy ravishda joylardagi tadbirkorlarga yetkazib borish ham asosiy vazifalar qatoriga kiritildi. Tadbirkorlarning huquqiy madaniyatini oshirish va iqtisodiy koʻnikmalarini shakllantirish boʻyicha esa tadbirkorlar qabulxonasi, jamoatchilik kengashlari va boshqa tegishli tashkilotlar bilan tizimli aloqalar yoʻlga qoʻyishga kelishib olindi.
M.Urazboyev, Tadbirkorlarning jamoatchilik kengashi kotibi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
