MUDDATLI HARBIY XIZMATNI ÖTAB BÖLGAN HARBIY XIZMATÇILAR TEST SINOVLARIDAN ÖTIŞDI
Özbekiston Respublikasi Mudofaa Vazirligi, Özbekiston Respublikasi Favqulodda vaziyatlar Vazirligi, Özbekiston Respublikasi davlat Xavfsizlik xizmati hamda Özbekiston Respublikasi Milliy gvardiyasining 2020-yil 31-yanvar sanasidagi 3215-sonli “Muddatli harbiy xizmatni ötayotgan harbiy xizmatçilarga Özbekiston Respublikasi Oliy taʼlim muassasalariga öqişga kiriş uçun tavsiyanomalar beriş tartibi töğrisida”gi Nizom talablariga muvofiq bunday tavsiyanomalar har yili muddatli harbiy xizmatni ötab bölgan, jangovar va maʼnaviy-maʼrifiy tayyorgarlik böyiça yuksak natijalarga erişgan, umumtaʼlim fanlari böyiça zaruriy bilim saviyasiga ega, namunali harbiy intizomini namoyon etgan eng munosib harbiy xizmatçilarga beriladi. Unga köra, Özbekiston Respublikasi Qurolli Kuçlari safida muddatli harbiy xizmatni ötab, test sinovlarini muvaffaqiyatli topşirgan va OTMlarga kiriş uçun tavsiyanomalarga ega bölgan harbiy xizmatçilar uçun qator imtiyozlar beriladi. Xususan, ular mamlakatimizdagi OTMlardagi tegişli taʼlim yönalişlariga öqişga kirişda test sinovlari natijalariga köra, özlari töplagan ballarining 50 foizi miqdorida qöşimça ball şaklidagi imtiyozga, şuningdek, Respublikadagi oliy taʼlim muassasalari (oliy harbiy taʼlim muassasalari bundan mustasno) bakalavriatiga öqişga kiriş uçun OTMlarga qabul parametrlaridan taşqari ajratiladigan körsatkiçlari doirasida tanlovda iştirok etiş huquqiga ega böladilar.
Şu bois , har yili fevral oyida Özbekiston Respublikasi Qurolli Kuçlari saflarida muddatli harbiy xizmatni ötab bölgan harbiy xizmatçilar uçun test sinovlari ötkaziladi. Uşbu test sinovlarida harbiy qismlarning barça harbiy xizmatçilari iştirok etiş huquqiga ega bölib, sinovlar umumtaʼlim fanlari doirasida amalga oşiriladi.

Joriy yilning 15-fevral sanasida tumanimiz hududidagi çegara qöşinlari tarkibida muddatli harbiy xizmatni ötab bölgan harbiy xizmatçilar test sinovlarini topşirişdi.
Amudaryo muhandislik texnikumi binosida bölib ötgan test sinovlari Qoraqalpoğiston Respublikasi Davlat test markazining bölim boş mutaxassisi Daulet Koşkinov va 9202 harbiy qism komandirining örinbosari, podpolkovnik S.Toşmatovlar iştirokida şaffoflik asosida ötkazildi.

Test sinovlarini boşlaşdan oldin Qoraqalpoğiston Respublikasi Davlat test markazining bölim boş mutaxassisi Daulet Koşkinov iştirokçilarga Özbekiston Respublikasi Qurolli Kuçlari safida “Muddatli harbiy xizmatni ötayotgan harbiy xizmatçilarga Özbekiston Respublikasi Oliy taʼlim muassasalariga öqişga kiriş uçun tavsiyanomalar beriş töğrisida”gi Nizom talablari, mavjud qonun-qoidalar xususida batafsil maʼlumot berdi.
Şu bilan birga, tavsiyanomalarni beriş tartibi, umumtaʼlim fanlari, jangovar va maʼnaviy-maʼrifiy tayyorgarlik, harbiy xizmatçilarning şaxsiy intizomi, mantiqiy fikrlaşi yuzasidan beriladigan ballar xususida zarur tuşunçalar berib, barçaga muvaffaqiyat tiladi.
Qatʼiy harbiy intizom, oçiqlik va şaffoflik asosida ötkazilgan test sinovlari yuqoridagi Nizom talablari darajasida ötkazilib, har bir harbiy xizmatçi, albatta, öz bilim saviyasini, zakovatini namoyon etişga muvaffaq böldilar.


Robiya YÖLDOŞEVA.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶