HARBIY XIZMAT – YIGITLARNING MUQADDAS BURChI
“Oʻzbekiston Respublikasi fuqarolarining safarbarlik chaqiruvi rezervidagi xizmatini tashkil etish chora-tadbirlari toʻgʻrisida”gi Oʻzbekiston Respublikasi Vazirlar Mahkamasining 99-sonli Qarori “Umumiy harbiy majburiyat va harbiy xizmat toʻgʻrisida”gi Oʻzbekiston Respublikasi Qonunini amalga oshirish, safarbarlik chaqiruvi rezervidagi xizmatni samarali tashkil etish, Oʻzbekiston Respublikasi Qurolli kuchlarida xizmat qilish nufuzini oshirish borasidagi munosabatlarni tartibga soladi.
Mazkur qarorga koʻra, 2003-yildan boshlab Oʻzbekiston Respublikasi fuqarolari tomonidan safarbarlik chaqiruvi rezervidagi xizmat tashkil etildi.
Safarbarlik chaqiruvi rezervidagi xizmatga cheklanishlar bilan yaroqli boʻlgan hamda chaqirilish muddatini kechiktirish va chaqirilishdan ozod etilish huquqiga ega boʻlmagan, biroq Qurolli Kuchlar safiga navbatdagi muddatga chaqirilmagan shaxslar olinadilar. Koʻrsatib oʻtilgan shaxslar yigirma yetti yoshgacha safarbarlik chaqiruvi rezerviga olinishi mumkin. Uni oʻtaganlar Qurolli Kuchlarning ikkinchi toifali rezerviga oʻtkaziladi.
Safarbarlik chaqiruvi rezerviga chaqirilganlar Oʻzbekiston Respublikasi Vazirlar Mahkamasi tomonidan belgilangan pul badallarini toʻlaganlaridan soʻng bir marta bir oylik yigʻinda xizmatni oʻtaydilar.
Tumanimizda safarbarlik chaqiruvi rezervi tashkil etilganidan buyon ushbu xizmat turiga 18 dan 27 yoshgacha boʻlgan yigitlar saralab olinmoqda va har yili 600 nafardan ziyod chaqiriluvchilar safarbarlik chaqiruvi rezervidagi xizmatni oʻtab kelmoqdalar. Ular hozirgi kunda tumanimizda turli jabhalarda faoliyat olib borishayapti.
Muddatli harbiy xizmat har bir voyaga yetgan sogʻlom, aqlli va jismoniy yetuk yigitlar uchun muqaddas burchdir.
Qahramon AHMEDOV,
tuman Mudofaa ishlari boʻlimining Safarbarlik chaqiruvi rezervi boʻlinmasi boshligʻi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
