2020-yil 8-iyul sanasidan boshlab Amudaryo tumani “Qizil” toifaga oʻtkazildi

Qoraqalpogʻiston Pespublikasida koronavirus infektsiyasiga qarshi kurashish chora-tadbirlarini muvofiqlashtirish boʻyicha tezkor shtabning 2020-yil 7-iyul kungi yigʻilish bayoniga asosan Amudaryo tumani 2020-yil 8-iyul sanasidan boshlab karantin darajasi boʻyicha “Qizil” toifaga oʻtkazildi.

Pespublika maxsus komissiyasining tegishli bayonnomalariga asosan “Qizil” toifaga kiruvchi xududlarda quyidagilar TAʼQIQLANADI:

- parklar va istrohat bogʻlari faoliyati;

- nooziq-ovqat mahsulotlari chakana savdosi bilan shugʻullanuvchi doʻkonlar, zargarlik va gul doʻkonlari faoliyati;

- yoʻnalishsiz taksida yoʻlovchi tashish faoliyati;

- jamoat transporti faoliyati;

- barcha turdagi ommaviy tadbirlar (kontsert, teatr, kinoteatr, muzey, sport tadbirlari (dafn marosimlarining 10-15 kishidan koʻp boʻlmagan holda oʻtkazilishi bundan mustasno);

- buyum bozorlari faoliyati;

- sartaroshxona va goʻzallik salonlari faoliyati;

- umumiy ovqatlanish korxonalari (restoran, kafe, oshxona, choyxona) faoliyati (yetkazib berish uchun tayyorlash bundan mustasno);

- koʻngilochar obʼektlar (bilyard zallari, kompyuter oʻyinlari markazlari va b.) faoliyati;

- salqin ichimliklar savdosi faoliyati;

- qadoqlangan ichimliklar savdosi faoliyati;

- taʼlim tashkilotlari (bogʻcha, maktab, litsey, kollej, va b.), oʻquv kurslari faoliyati;

- davlat organlari va tashkilotlarda jismoniy va yuridik shaxslarni qabul qilish;

- ochiq sunʼiy qoplamali sport inshootlari;

- kompyuter (skaner, nusxa koʻchirish, matn terish, nashr etish) va matbaa xizmatlari;

- avtotransport vositalari haydovchilarini tayyorlash va qayta tayyorlash bilan shugʻullanuvchi tashkilotlar faoliyati;

- sport sektsiyalari, toʻgaraklar, sport zallari va fitnes klublari faoliyati;

- individual shugʻullanuvchilar uchun trenajer zallari va basseynlar faoliyati;

- diniy tashkilotlar faoliyati VAQTINChALIK TOʻXTATILADI.

Shuningdek, quyidagi MAJBUPIY TALABLAP SAQLAB QOLINADI:

- jamoat joylarida ijtimoiy masofa (2 metr)ni saqlash, uch kishidan ortiq yigʻilmaslik, fuqarolarning tibbiy niqobdan hamda antiseptik vositalardan doimiy ravishda foydalanishi;

- dehqon, qurilish mollari bozorlari kirish-chiqish joylarini pirometrlar va antiseptik vositalar bilan jihozlash hamda har bir fuqaroning tana haroratini oʻlchab, harorati 37° S va undan yuqori boʻlgan shaxslarni ushbu majmualarga kiritmaslik;

- barcha tashkilotlarning kirish-chiqish joylarini pirometrlar, antiseptik vositalar va dezinfektsion “toʻshak”lar bilan taʼminlash hamda xodimlar tomonidan ijtimoiy masofa (2 metr)ni saqlagan holda faoliyat yuritishni taʼminlash;

- qurilish-taʼmirlash obʼektlarida sanitariya-gigiyena tadbirlarining amalga oshirib borilishi, ushbu tashkilotlarning faoliyat olib borish davrida sanitariya va gigiyena qoidalariga toʻliq rioya qilinishi, oʻz faoliyatini faqatgina tegishli obʼekt hududi doirasida tashkil qilishi;

- soat 07:00 dan 23:00 ga qadar jamoat joylarida uch kishidan ortiq toʻplanmaslik hamda 23:00 dan 07:00 ga qadar koʻchalarda, koʻp qavatli uylar va hovlilar oldida boʻlmaslik MAJBUPIY TALAB HISOBLANADI.

AVTOTPANSPOPT VOSITALAPIDA harakatlanishga 07:00 dan – 10:00 gacha, 17.00 dan – 20.00 gacha ruxsat beriladi.

MUASSASA, KOPXONA VA TAShKILOTLAP rahbariyati xodimlarining kamida 50 foizini mehnat taʼtiliga chiqarishi yoki masofadan ishlashga oʻtkazishi, har bir xonada 1 nafar xodimning ishda qolishini taʼminlashi, xodimlarini koronavirusdan saqlash uchun xavfsizlik choralarini koʻrishi lozim.

Ushbu talablarga rioya etmaslik tegishli javobgarlikka sabab boʻladi.

Hurmatli yurtdoshlar!
Karantin qoidalariga qatʼiy rioya qiling, zarurat boʻlmasa tashqariga chiqmang, oʻzingizni va oila aʼzolaringizning salomatligiga eʼtiborli boʻling, ijtimoiy masofani saqlang, qoʻlingizni tez-tez sovunlab yuving, niqob taqishni unutmang!

Amudaryo tumani hokimligining Axborot xizmati