2020-yil 6-iyul sanasidan boshlab Amudaryo tumani “Sariq” toifaga oʻtkazildi

Qoraqalpogʻiston Pespublikasida koronavirus infektsiyasiga qarshi kurashish chora-tadbirlarini muvofiqlashtirish boʻyicha tezkor shtabning 2020-yil 5-iyul kungi yigʻilish bayoniga asosan 2020-yil 6-iyul sanasidan boshlab Amudaryo tumani karantin darajasi boʻyicha “Sariq” toifaga oʻtkazildi.

Pespublika maxsus komissiyasining yigʻilish bayoniga asosan “Sariq” toifaga kiruvchi hududlarda quyidagilar taʼqiqlanadi:

- Barcha turdagi ommaviy tadbirlar (kontsert, teatr, kinoteatr, muzey sport tadbirlari) oilaviy tantanalar, maʼraka va marosimlari (dafn marosimlari 10-15-kishidan koʻp boʻlmagan hollar bundan mustasno);

- Soat 07:00 dan 23:00 ga qadar jamoat joylarida uch kishidan ortiq toʻplanish hamda 23:00 dan 07:00 ga qadar koʻchalarda, koʻp qavatli uylar va hovlilar oldida boʻlish;  

- Sport zallari va fitnes klublari, spa va massaj salonlari faoliyati;

- Tungi klub va diskotekalar faoliyati, karaoke va bilyard zallari, chilim (kalyan) markazlari, kompyuter oʻyinlari markazlari faoliyati;

-  Umumiy ovqatlanish shoxobchalari (restoran, kafe, oshxona, choyxona) foliyati (yetkazib berish uchun tayyorlash bundan mustasno);

-  Yaxna ichimliklar bilan savdo qilish nuqtalari faoliyati;

-  Taʼlim tashkilotlari (bogʻcha, maktab, litsey, kollej, texnikum va boshqalar), oʻquv kurslari faoliyati VAQTINChALIK TOʻXTATILADI.

- YOʻNALIShSIZ TAKSILAP — yoʻlovchi tashish uchun avtotransport vositasi salonida haydovchi oʻrindigʻi yoʻlovchilar oʻrindigʻidan shaffof plastik yoki maxsus plyonka bilan toʻsilgan boʻlishi, haydovchi va yoʻlovchi tibbiy niqobda boʻlishi (tibbiy niqobsiz yoʻlovchini tashish taqiqlanadi), yoʻlovchilarni avtotransport vositasi saloni orqa oʻrindigʻiga oʻtkazilishi hamda faqat oʻz (avtotransport vositasi davlat roʻyxatidan oʻtkazilgan) hududida harakatlanishi lozim;

- SAPTAPOShXONA VA GOʻZALLIK SALONLAPI — xizmat koʻrsatuvchi shaxslar tomonidan shaxsiy himoya vositalari — tibbiy xalat yoki kombinezon, tibbiy niqob (N 95 yoki ustma-ust 2 ta oddiy spanbond niqobli), yuzni toʻliq toʻsadigan himoya maskasi va tibbiy qoʻlqopdan foydalangan holda "1 ta xizmat koʻrsatuvchi shaxs — 1 ta mijoz" tamoyili asosida ijtimoiy masofani saqlagan holda ishlashi lozim;

- SAVDO MAJMUALAPI — qatʼiy ijtimoiy masofani saqlagan holda ruxsat etiladi;

- Park va istirohat bogʻlariga kirish karantin talablariga qatʼiy rioya qilingan holda soat 09:00 dan 20:00 ga qadar 2 nafar shaxsdan koʻp boʻlmagan guruhlarda (oilaviy guruhlar bundan mustasno) amalga oshiriladi;

- JAMOAT TPANSPOPTI harakati haftaning shanba va yakshanba kunlarida kamaytiriladi;

- AVTOTPANSPOPT VOSITALAPINING maxsus ruxsatnomasiz (stikersiz) harakatlanishiga faqatgina soat 06.00 dan - 22.00 ga qadar ruxsat beriladi.

Quyidagi majburiy talablar saqlab qolinadi:

•  ijtimoiy masofani (2 metr)ni saqlash, fuqarolarning tibbiy niqobdan hamda antiseptik vositalardan foydalanishi;

•  dehqon bozorlari, oziq-ovqat va nooziq-ovqat savdo nuqtalarini pirometrlar va antiseptik vositalar bilan jihozlash, har bir fuqaroning tana haroratini oʻlchab, 37 °C va undan yuqori boʻlgan holatda, ushbu majmualarga kiritmaslik;

•  barcha tashkilotlar kirish-chiqish joylarini pirometrlar va antiseptik vositalar bilan taʼminlash hamda xodimlar tomonidan ijtimoiy masofani saqlagan holda faoliyat yuritishini taʼminlash;

•  qurilish-taʼmirlash ishlarida obʼektlar hududini toʻliq karantinga olish va ularda sanitariya-gigiyena tadbirlarini amalga oshirib borish.

Ushbu talablarga rioya etmaslik tegishli javobgarlikka sabab boʻladi.

Hurmatli yurtdoshlar!
Karantin qoidalariga qatʼiy rioya qiling, zarurat boʻlmasa tashqariga chiqmang, oʻzingizni va oila aʼzolaringizning salomatligiga eʼtiborli boʻling! Ijtimoiy masofani saqlang, qoʻlingizni tez-tez sovunlab yuving, niqob taqishni unutmang!

Amudaryo tumani hokimligi axborot xizmati.