YaNGI OʻQUV YILIGA TAYYoRGARLIK KOʻRILAYaPTI

Mamlakatimizda pandemiya sababli mazkur oʻquv yili yarmida xalq taʼlimi tizimidagi barcha faoliyat vaziyatga koʻra masofaviy tarzda tashkillashtirildi. Maktablarda taʼlim masofaviy olib borilib, yakunlandi va bitiruvchilarning hujjatlari elektron koʻrinishda tayyorlanib topshirildi.

Tuman Xalq taʼlimi boʻlimida 74 nafar xodim faoliyat olib bormoqda. Shundan 30 nafar xodim umumtaʼlim maktablarida oʻquv jarayoniga masʼul boʻlsa, 24 nafar xodim markazlashgan buxgalteriya, 20 nafar xodim maxsus taʼmirlash va ekspluatatsiya xizmati xodimlari hisoblanadi.

Tuman Xalq taʼlimi  boʻlimi fan metodistlari tomonidan tumandagi reytingi past boʻlgan umumtaʼlim maktablari faoliyati oʻrganilib, ularga metodik yordam va koʻrsatmalar berilib kelinmoqda. Xususan, 2019-yil davomida 4-sonli, 8-sonli, 25-sonli, 21-sonli, 28-sonli umumtaʼlim maktablarida oʻrganish ishlari olib borildi. Oʻrganish jarayonida oʻqituvchilarga metodik va amaliy yordamlar berildi. Shuningdek, har bir fan metodisti tomonidan oʻqituvchilarga masofadan metodik yordam berish maqsadida tegishli tarzda telegram kanallar tashkil qilinib, dars ishlanmalari, metodik koʻrsatma va tavsiyalar yetkazib berilmoqda.

Maktab psixologlari tomonidan oʻquvchilarning qiziqishlari boʻyicha 9-, 10-, 11-sinflar oʻquvchilaridan kasbga yoʻnaltirish metodikalari yaʼni qiziqishlar xaritasi, differentsial diagnostik soʻrovnoma, kasb tanlash motivini aniqlash, oʻquvchilarning kasbga yoʻnalganlik metodikalari yil davomida oʻtkazib kelmoqda. Bundan tashqari, qiziqishlari boʻyicha kasblar olamiga sayohat ochiq eshiklar kuni kabi tadbirlar muntazam ravishda oʻtkazilib kelmoqda.

Amudaryo tumani XTB tizimida oʻquvchilar bilimini baholash xalqaro PISA sinovlariga tayyorgarlik boʻyicha taʼlim sifatini nazorat qilish davlat inspektsiyasi va Xalq taʼlimi vazirligining 2020-yil 8-maydagi 17/23 qq-sonli qarori qabul qilinib, unga muvofiq tumanda 2 ta (30- va 40-sonli) umumtaʼlim maktablari tayanch maktablar etib belgilandi. Buning uchun ushbu tayanch maktablardagi informatika va axborot-texnologiyalari, kimyo, biologiya, fizika oʻquv va laboratoriya xonalarining jihozlanishi, shuningdek, kompyuter texnikalari va multimediya vositalarining mavjud holati hamda zaruriy ehtiyojlar oʻrganilib, taʼminlash choralari  koʻrilmoqda.

Boʻlim tomonidan boshlangʻich taʼlim, ona tili va adabiyoti, matematika, fizika, geografiya, biologiya va kimyo fani metodistlari oʻz yoʻnalishlari boʻyicha maʼsul qilib biriktirilgan. Har bir maktabda 2 nafar boshlangʻich taʼlim, 1 nafardan ona tili va adabiyoti, matematika, fizika, geografiya, biologiya va kimyo fani oʻqituvchilari trener-oʻqituvchi sifatida belgilangan.

Tayanch maktablarda trener-oʻqituvchilar uchun masofadan seminar treninglarni tashkil qilish boʻyicha yoʻriqnoma va metodik tavsiyalar berilgan.

Tayanch maktab trener-oʻqituvchilari tomonidan “PIRLS – Oʻqish savodxonligi” boʻyicha 4-sinf oʻquvchilari, “PISA – Oʻqish, matematik va tabiiy fanlar savodxonligi” boʻyicha 6-10-sinf oʻquvchilari orasida masofadan test topshiriqlari aprobatsiyadan oʻtkazilib kelinmoqda.

40-sonli, 56-sonli va 64-sonli umumtaʼlim maktablarida  Oʻzbekiston Pespublikasi Xalq taʼlimi vazirligining 2019-yil 28-dekabrdagi 405-sonli buyrugʻiga asosan 2019-2020 oʻquv yilining  3-choragidan boshlab umumtaʼlim maktablarining 10-11-sinflarida fanlar ixtiyoriy tanlov asosida oʻqitilmoqda.  

40-sonli umumtaʼlim maktabida 10-sinfda 32 nafar oʻquvchi moliya-iqtisod yoʻnalishida 11-sinfda 30 nafar oʻquvchi moliya-iqtisod yoʻnalishida,  56-sonli umumtaʼlim maktabida 10-sinfda 35 nafar oʻquvchi texnologiya yoʻnalishida, 11-sinfda 33 nafar oʻquvchi texnologiya yoʻnalishida,  64-sonli umumtaʼlim maktabida 10-sinfda 25 nafar oʻquvchi ijtimoiy gumanitar yoʻnalishida, 11-sinfda 26 nafar oʻquvchi gumanitar yoʻnalishida taʼlim olmoqda.

Aynan shu maktablarda umumtaʼlim maktablari kompyuter sinflari yuqori tezlikli internet tarmogʻiga ulanib, oʻquvchilar aprobatsion test topshirish imkoniga ega boʻlishdi.

Shuningdek, 2020-yil 1-mart kuni tumanimizdagi barcha abituriyentlarning test sinovlariga tayyorgarliklarini yanada oshirish maqsadida 40-sonli umumtaʼlim maktabida tuman XTB tomonidan DTM testlarini olish tadbiri tashkil etildi. Mazkur tadbirga DTM Qoraqalpogʻiston Pespublikasi boʻlimi xodimlari, xususan, boʻlim boshligʻi Muzaffar Abdullayev ham tashrif buyurdi. Test sinovlari jarayoniga 474 nafar abituriyentlar ishtirok etib, oʻz bilimlarini sinovdan oʻtkazish imkoniyatiga ega boʻldilar.

Umumtaʼlim maktablari oʻquvchilarining joriy yil mart-may oylarida masofadan tashkil qilingan turli tanlovlarda faol ishtiroki taʼminlanmoqda. Ushbu tanlovlarda 40-sonli, 31-sonli, 1-sonli va 38-sonli umumtaʼlim maktablari oʻquvchilar faol ishtirok qilib kelishmoqda.
Taʼlim-tarbiya uslublarini va vositalarini tanlash imkonini beruvchi zamonaviy moddiy-texnika bazasiga ega, zamonaviy fikrlovchi, tashabbuskor direktor rahbarlik qilayotgan, ijodiy izlanuvchan, zamonaviy metodlardan foydalanayotgan jamoasi mavjud boʻlgan taʼlim muassasalari orasidan tayanch maktablar belgilandi. Tayanch maktablar 4 ta fan yoʻnalishlari boʻyicha alohida tashkil etildi: “Aniq fanlar”, “Tabiiy fanlar”, “Gumanitar fanlar” va “Filologiya fanlar”. Tayanch maktablar tumandagi umumiy oʻrta taʼlim maktablaridagi 2500 nafardan ortiq pedagoglarining kasbiy mahoratini uzluksiz oshirib borish boʻyicha asosiy metodik baza hisoblanadi va ularda 2020-yil mart oyigacha oʻquv mashgʻulotlar tashkil etilib, ilgʻor ish tajribalarni ommalashtirish, fanlardan yangi yaratilgan darsliklar, oʻquv metodik adabiyotlar va taʼlim dasturlarini tajriba-sinovdan oʻtkazish ishlari amalga oshirildi.

Ayni kunda boʻlimda kelgusi 2020-2021 oʻquv yiliga qizgʻin tayyorgarliklar olib borilmoqda.

Oygul Rajabova.