Amudaryo tumani hokimining qarori: avtomototransport vositalari, velosiped va skuterlarning harakatlanishi karantin davrida vaqtincha toʻxtatiladi

Amudaryo tumanida koronavirus infektsiyasi tarqalishining  oldini olishga qaratilgan qoʻshimcha chora-tadbirlar toʻgʻrisida

Amudaryo tumani hokimining qarori

Amudaryo tumanida aholining sanitariya-epidemiologik tinchligini va xavfsizligini taʼminlash, koronavirus infektsiyasi tarqalishini oldini olishda tegishli davlat va jamiyat boshqaruv organlari hamda tashkilotlarning faoliyatini muvofiqlashtirish, fuqarolarning hayoti va sogʻligini muhofaza qilish hamda Oʻzbekiston Pespublikasi Prezidentining 2020-yil 19-martdagi “Koronavirus pandemiyasi va global inqiroz holatlarining iqtisodiyot tarmoqlariga salbiy taʼsirini yumshatish boʻyicha birinchi navbatdagi chora-tadbirlar toʻgʻrisida”gi PF-5969-sonli, 2020-yil  3-apreldagi “Koronavirus pandemiyasi davrida aholi, iqtisodiyot tarmoqlari va tadbirkorlik subʼektlarini qoʻllab-quvvatlashga doir qoʻshimcha chora-tadbirlar toʻgʻrisida”gi PF-5978-sonli Farmonlari, Oʻzbekiston Pespublikasi Vazirlar Mahkamasining 2020-yil 23-martdagi “Koronavirus infektsiyasi tarqalishiga qarshi qoʻshimcha chora-tadbirlari toʻgʻrisida”gi 176-sonli, Qoraqalpogʻiston Pespublikasi Vazirlar Kengashining 2020-yil 25-martdagi “Koronavirus infektsiyasining tarqalishiga qarshi qoʻshimcha chora-tadbirlar toʻgʻrisida”gi 91-sonli qarorlari, Oʻzbekiston Pespublikasi “Aholining sanitariya-epidemiologik osoyishtaligi toʻgʻrisida”gi Qonunning 31-moddasiga va “Mahalliy davlat hokimiyati toʻgʻrisida”gi Qonunning 6-25-moddalariga asosan QAPOP QILAMAN:

1. Tuman hududida koronavirus infektsiyasining tarqalishini oldini olish, fuqarolarning sogʻligini saqlash maqsadida jismoniy va yuridik shaxslarga tegishli boʻlgan avtobus, mikroavtobus, yengil avtotransport vositalari, shuningdek velosiped, skuter va mototransport vositalarining harakatlanishi karantin davrida vaqtincha toʻxtatilsin.

2. Harakatlanishga ruxsat etilgan ayrim avtotransport vositalarining roʻyxati ilovaga muvofiq tasdiqlansin, bunda tegishli tashkilotlarning ularga yuklatilgan vazifalarni amalga oshirishga jalb qilinadigan xizmat va shaxsiy avtotransport vositalarining sonini minimal miqdorlarga qadar kamaytirilishini taʼminlansin.

3. Tuman Ichki ishlar boʻlimi (U.Xudaybergenov), Tuman davlat soliq inspektsiyasi (O.Ashirbayev), Qoraqalpogʻiston Pespublikasi Sanitariya-epidemiologiya nazorati Davlat inspektsiyasi Amudaryo tuman filiali (D.Bobojanov) va Amudaryo tuman Sanitariya-epidemiologiya osoyishtalik markazi (T.Babaniyozov)larga:

tuman hududida jismoniy va yuridik shaxslarga tegishli boʻlgan avtobus, mikroavtobus, yuk va yengil avto-mototransport vositalari hamda velosiped, skuter mototransportlarini harakatlanishini nazorat qilib borish topshirilsin;

karantin davrida karantin qoidalarini buzgan jismoniy va yuridik shaxslarga tegishli boʻlgan avtobus, mikroavtobus, yuk va yengil avto-mototransportlari hamda velosiped, skuter moto-transport vositalari jarima maydoniga qoʻyilishini taʼminlasin;

chegaradosh tumanlar bilan kirish-chiqish yoʻllariga hamda tuman markaziga nazorat kirish chiqish postlarida kuchaytirilgan tartibda nazorat oʻrnatilishini taʼminlasin;

tibbiy niqobsiz avtotransport boshqarayotgan haydovchilar va piyodalarga karantin talablarini buzganligi uchun choralar koʻrilsin;

tumanga kirib kelish va chiqishda avtotransport vositalarini dezinfektsiyalash choralari koʻrilsin.

Yuqoridagi talablarni bajarishda Amudaryo tumani markazi alohida nazoratga olinib, zarurat boʻlmagan taqdirda harakatlanayotgan avtotransport vositalari va fuqarolarning harakatlanishi toʻxtatilsin.

4. Tumandagi sektor rahbarlari, tegishli korxona, tashkilot rahbarlari, oʻzini oʻzi boshqarish organlari rahbarlari oʻzlariga bekitilgan hududlarda ushbu qaror talablarining soʻzsiz bajarilishini taʼminlash yuzasidan tuman aholisiga masofadan turib targʻibot tashviqot ishlarini olib borish topshirilsin.

5. Tuman hududida koronavirus infektsiyasi kirib kelishini oldini olish boʻyicha tuzilgan muvofiqlashtiruvchi shtab (M.Temirbayev)ga tuman hududida karantin holatlaridan kelib chiqib qoʻshimcha chora-tadbirlar belgilab borish topshirilsin.

6. Amudaryo televideniyasi, “Taraqqiyot koʻzgusi” gazetasi (Gʻ.Yeshniyazov)  tuman hokimligi matbuot kotibi (Ch.Arslanova)ga ushbu qaror mazmun va mohiyatini fuqarolarga yetkazish tavsiya etilsin.

7. Ushbu qaror tuman “Taraqqiyot koʻzgusi” gazetasida rasmiy eʼlon qilinsin hamda hokimlik rasmiy veb-saytiga joylashtirilsin.

8. Mazkur qarorning ijrosini taʼminlash hamda nazorat qilish tuman hokimining barcha oʻrinbosarlari, tuman Ichki ishlar boʻlimi (U.Xudaybergenov), Qoraqalpogʻiston Pespublikasi Sanitariya-epidemiologiya nazorati Davlat inspektsiyasi Amudaryo tuman filiali (D.Bobojanov) va Amudaryo tuman Sanitariya-epidemiologiya osoyishtalik markazi (T.Babaniyozov) zimmalariga yuklatilsin.

               Amudaryo tumani hokimi S.Yoʻldashev,

2020-yil 13-aprel, №93-son

Amudaryo tumani hokimining 2020-yil “_13_” apreldagi №_93_-sonli qaroriga ilova

Zarurat tufayli M1 (faqat bir yoʻlovchi bilan) turidagi avtomototransport vositalarida harakatlanishi mumkin boʻlgan yuridik va jismoniy shaxslar ruyxati

Qoraqalpogʻiston Pespublikasi Joʻqorgʻi Kengesi va Vazirlar Kengashi Paislari hamda ularning oʻrinbosarlari, hokim va uning oʻrinbosarlari xizmat avtotransport vositalari.

Oʻzbekiston Pespublikasi Prezidenti Adminstratsiyasi, Vazirlar Mahkamasi, Davlat xavfsizlik xizmati, Davlat bojxona posti, Qoʻriqlash boʻlimi, Ichki ishlar boʻlimi, Mudofaa, Favqulodda vaziyatlar boʻlimi xodimlarining shaxsiy avtotransportlari.

Korxona va tashkilotlarning aholiga xizmat koʻrsatuvchi avtotransportlari.

Tijorat banklari xizmat avtotransportlari. (AT Xalq bankida xizmat koʻrsatuvchi pensiya tarqatuvchi avtotransportlari)

Kommunal xizmat koʻrsatuvchi tashkilotlarining (gaz, elektrenergiyasi, suv, toza hudud va obodonlashtirish) xizmat avtotransport vositalari.

Pespublika inkassatsiya xizmati DUK xizmat avtotransportlari.

Chet el davlatlarining diplomatik vakolatxonalari va xalqaro tashkilotlarning xizmat avtotransportlari.

“Oʻzbekiston temir yoʻllari” AJ Qoʻngʻirot hududiy temir yoʻl uzeli va uning tarkibiga kiruvchi korxona va tashkilotlarning xizmat avtotransportlari.

Dafn marosimlarida xizmat koʻrsatuvchi maxsus xizmat avtotransportlari. (Dafn marosimlarida xizmat koʻrsatish maqsadida)

Aloqa xizmatlarini koʻrsatish tashkilotlari “Oʻzbekistonpochtasi” AJ, “Oʻzbektelekom” AKga tegishli xizmat avtotransportlari.

Huquqni muhofaza qiluvchi idoralar xizmatavtotransportlari.

Yoʻl-patrul xizmati avtomobillari kuzatuvida harakatlanayotgan avtotransportlar.

Mavsumiy qishloq xoʻjalik mahsulotlarini yetkazib beruvchi M1 (faqat bir yoʻlovchi bilan) turidagi jismoniy shaxslarga tegishli shaxsiy avtotransport vositalari.

Tumandagi gʻalla tarbiyasi, paxta ekishiga bogʻliq fermer xoʻjaliklari raislarining shaxsiy va fermer xoʻjaligi balansidagi texnikalari tuman markazidan tashqarida harakat etilishi belgilangan avtotransport vositalari.

Amudaryo tuman hokimligi, tuman tibbiyot birlashmasi, Qoraqalpogʻiston Pespublikasi Sanitariya-epidemiologiya nazorati Davlat inspektsiyasi Amudaryo tuman filiali va Amudaryo tuman Sanitariya-epidemiologiya osoyishtalik markazi faoliyat yurituvchi xodimlarining shaxsiy avtotransport vositalari, (hozirgi kunda mehnat munosabatlarini amalga oshirayotgani haqidagi maʼlumotnoma boʻlishi kerak)

Tuman markazidan olis hududlarida joylashgan aholining yashash manzillariga oziq-ovqat mahsulotlarini yetkazib beruvchi yakka tadbirkorlarning avtotransport vositalari. (Tadbirkorlik guvohnomasi boʻlishi kerak)