TUMAN HOKIMI TAShABBUSI BILAN TUMAN TIBBIYoT BIPLAShMASINING BOLALAP JONLANTIPISh BOʻLIMIGA ZAMONAVIY TIBBIY JIHOZLAP KELTIPILDI

Jahon sogʻliqni saqlash tashkiloti shifoxonalarning  jonlantirish boʻlimida davolanayotgan bemorlardan 40 foizining hayotga qaytarilishini odatdagi meʼyor deb hisoblashadi. Chunki bu boʻlimga kasallik eng zoʻraygan yo oʻtkazib yuborilganligi tufayli ogʻir ahvolga tushib qolgan bemorlar qabul qilinadi.

Bu haqda gapirish oson. Biroq hayoti qil ustida turgan bemorning  yashab ketishiga umid qilib, shifoxona eshigida turgan odamning holatini tasavvur etish qiyin. Agar u yangi tugʻilgan chaqaloq, endi tetapoya qadam tashlab oilasiga cheksiz shodliklar hadya etayotgan, ilk soʻzlari bilan ota-onasi koʻnglini osmon qilgan bola boʻlsa ham, shifokorlar shu yerga umid bilan kelgan insonlar hayotini saqlab qolishga harakat qilishadi.

Shunisi aniqki, hech bir dard ruxsat soʻrab, oʻzini maʼlum qilib kelmaydi. Baʼzan tuzalib ketar, degan ilinj bilan shifokorga murojaat qilmasdan uyda davo qilish, baʼzan baxtsiz hodisa tufayli inson ogʻir ahvolga tushib qolishi mumkin.
Tuman Tibbiyot birlashmasining  Bolalar jonlantirish boʻlimida ana shunday holga tushib qolgan bolajonlarning har yili 800-900 nafari davolanadi. Egambergan Xidirov rahbarlik qilayotgan ushbu boʻlimda 6 nafar malakali shifokorlar, 26 nafar oʻz kasbining fidoyisi boʻlgan hamshiralar mehnat qilishadi.

Ularning saʼy-harakatlari bilan 2019-yilda ogʻir ahvoldagi bemor bolalarning, muddatidan avval, hayotda yashab ketishga hali tayyor boʻlmasidan tugʻilgan bolalarning 95 foizdan ziyodi hayotga qaytarildi. Bu hatto dunyo koʻrsatkichidan ikki baravar yuqori natijaga erishilishining  bir omili borki, buni eʼtirof etmaslik mumkin emas. Bu – tibbiy xizmat sifati yuqori boʻlishini taʼminlayotgan moddiy-texnik bazadir.

Oʻtgan yilning oʻzida tuman hokimining tashabbusi bilan mahalliy byudjet hisobidan asoratlar bilan tugʻilgan chaqaloqlarga meʼyorida nafas olishiga koʻmaklashuvchi 1 ta 180 mln. soʻmlik apparat, 1 ta 187 mln. soʻmlik sunʼiy nafas berish apparati, 1 ta 115 mln. soʻmlik havodagi kislorodni boyitib beruvchi apparat, shuningdek, 1 ta yangi  tugʻilgan chaqaloqlarni inkubatorda uzluksiz nazorat qiluvchi apparatlar keltirildi. Bu xayrli ish bolalar jonlantirish boʻlimidagi hayoti xavf ostida qolgan bolajonlarni  hayotga qaytarish foizini yana ham yuqori koʻtarishga xizmat qiladi, albatta.

Tuman hokimining bu tashabbusi boʻlimning ogʻir asoratlar bilan, muddatidan burun hali hayotda yashab ketishga tayyor boʻlmay turib tugʻilayotgan chaqaloqlarning hayotga moslashib, yashab ketishiga xizmat qiladigan zamonaviy jihozlar bilan taʼminlanishiga xizmat qilishi bilan juda eʼtirofga loyiqdir. Bu ajratilayotgan mablagʻlar yurtimizda kichkintoy bolajonlar hayoti har qanday mablagʻlardan ham aziz ekanligining bir isbotidir.

Ha, xalqimiz bolajon xalq, borini bolamga deb yashaydi. Xalqimizning bu azaliy qadriyatlari davlatimizning bosh siyosatiga aylanganligi taʼlim, sogʻliqni saqlash va boshqada sohalarda yaqqol namoyon boʻlayotir.

Hududimizda ekologik vaziyatni hisobga olgan holda yangi dunyoga kelayotgan avlodlarga qaratilayotgan buningdek, gʻamxoʻrliklar kelajakda oʻzining ijobiy samaralarini berishiga ishonamiz.

O.PAJABOVA.