TUMAN MADANIYaT MARKAZIDA NAVOIY TAVALLUDINING 579 YILLIGIGA BAĞIŞLANGAN TADBIR ÖTKAZILDI
Ayni kunlarda mamlakatimizning barça hududlarida bölgani kabi tumanimizdagi umumiy örta taʼlim maktablarida, maktabgaça taʼlim taşkilotlarida, barça madaniyat muassasalarida söz mulkining sultoni, uluğ mutafakkir bobomiz Alişer Navoiy tavalludining 579 yilligi keng nişonlanmoqda. Ötkazilayotgan maʼnaviy-maʼrifiy tadbirlarda özbek mumtoz adabiyotining uluğ namoyandasi hayoti va ijodi haqida keng söz yuritilmoqda, asarlarining xalqçilligi, ulkan tarbiyaviy ahamiyatga ega ekanligiga yuqori baho berilmoqda, yoşlar Navoiy asarlarini öqib-örganişga daʼvat etilmoqda.

Şu yilning 8-fevralida tuman Madaniyat markazi tomoşalar zalida bölib ötgan “Ğazal mulkining sultoni” deb nomlangan maʼnaviy-maʼrifiy tadbir ham mir Alişer Navoiy hayoti va ijodiy faoliyatiga bağişlandi.
Tadbirda Manğit şahrida joylaşgan maktablar öquvçilari, öqituvçilari, şuningdek, bölim xodimlari, 9-sonli Bolalar musiqa va sanʼat maktabi öqituvçilari, öquvçilari iştirok etdilar.

Tadbirni bölim mutaxassisi Oybek Begimov oçdi va olib bordi.
Yiğilganlar dastlab 16-sonli IDUM öqituvçisi Sevara Boltaboyevaning Navoiy bobomizning qaynoq ijod jarayoni bilan keçgan hayoti, zamona zayli tufayli çekkan maşaqqatlari, eng muhimi, şunday oğir şaroitda hayot keçirsa-da, dunyo ilm-faniga qöşgan benazir hissasi haqidagi maʼruzasini tingladilar. Şuningdek, maʼruzada mamlakatimizda yoş avlodni uluğ ajdodlarimizning ölmas merosi, milliy va umuminsoniy qadriyatlar asosida tarbiyalaşga alohida eʼtibor qaratilayotganligi, yoşlarning bu boradagi bilimini boyitiş va rağbatlantiriş maqsadida körik-tanlovlar, maʼnaviy-maʼrifiy keçalar ötkazilayotganligi, xususan, Alişer Navoiy merosini keng va atrofliça örganiş, ularning asarlarida uluğlangan ğoyalar mazmunini xalqimizga yetkaziş yuzasidan bir qator işlar amalga oşirilayotganligi alohida taʼkidlandi.

Şunday söng, tuman Madaniyat markazi mutaxassisi Oybek Begimov rejissyorligida 16-,30-,38-,40-sonli maktablar öquvçilari iştirokida Navoiy asarlaridan sahnalaştirilgan körinişlar namoyiş etildi. Öquvçilarning uluğ adib ğazal, ruboiy va boşqada janrlardagi nazmiy asarlarini yuksak mahorat bilan ifodali öqiganlari – ularning şoir ijodiga hurmat-ehtiromining ifodasi böldi desak, adaşmaymiz.
Tadbir Navoiy şeʼrlari, ğazallari bilan aytiluvçi musiqiy dastur bilan davom etdi.

Taniqli xonandalar Anvar Xudoyberganov, Murodjon Ibragimov, şuningdek, Farhod Xudoyberganov, Sayfullo Gulmonov, Xursand Şukurullayev va 9-sonli Bolalar musiqa va sanʼat maktabi öquvçilari ijro etgan qöşiqlar, kuylar barçaga manzur böldi.
Maʼnaviy-maʼrifiy tadbirda yiğilganlar bu sahnalaştirilgan dastur orqali Navoiy hayoti va ijodiy faoliyati böyiça yanada köproq maʼlumotga ega bölişdi. Ular qalbiga Navoiy ijodi, unga ehtirom tuyğulari yana ham çuqurroq joylandi, tasavvurlari boyitildi, yana ham teran öqib-örganişga iştiyoq uyğotdi.
O.RAJABOVA.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶