Mutasaddi rahbarlarning tuman yoshlari bilan uchrashuvi oʻtkazildi
Yoshlar bilan ishlashda madaniy-maʼrifiy ishlar samaradorligini oshirish, Prezidentimizning 2019-yil 27-dekabr kungi maʼruzasi ahamiyatini keng tushuntirish maqsadida joylarda mutasaddi rahbarlarning yoshlar bilan uchrashuvlari oʻtkazilmoqda. Uchrashuvlarda yoshlar qalbida Vatanga sadoqat, mamlakatimizda olib borilayotgan keng koʻlamli islohotlarga daxldorlik tuygʻularini shakllantirish masalalariga alohida eʼtibor qaratilmoqda.
29-yanvar kuni Xalq taʼlimi boʻlimiga qarashli 82-sonli umumtaʼlim maktabida tuman prokurori Javlonbek Muftullayev, Jinoyat ishlari boʻyicha tuman sudi raisi Sultonmurod Davletmurodov, Ichki ishlar boʻlimi boshligʻi Ulugʻbek Xudoyberganov hamda Xalq taʼlimi boʻlimi mudiri Otabek Yoʻldoshevlarning tuman yoshlari bilan uchrashuvi oʻtkazildi. Unda Yoshlar ittifoqi tuman Kengashi raisi oʻrinbosari Jasurbek Davletov, korxona-tashkilotlar rahbarlari, turli yoʻnalishlar boʻyicha yuqori natijalarga erishgan faol oʻquvchi-yoshlar ishtirok etdilar.
Yigʻilishda soʻzga chiqqan masʼullar keyingi paytda yurtimizda yoshlarni har tomonlama qoʻllab-quvvatlash, ular uchun zarur shart-sharoitlar yaratish davlat siyosatining dolzarb vazifalaridan biriga aylanganini alohida taʼkidladilar. Shuningdek, Oʻzbekiston Respublikasi Prezidenti Shavkat Mirziyoyevning Oliy Majlisga Murojaatnomasida ilgari surilgan gʻoyalar mazmun-mohiyati haqida atroflicha soʻz yuritdilar. Undan tashqari, yangi Oʻzbekistonni xalqimiz bilan birgalikda barpo etamiz, degan ulugʻvor maqsadlar zamirida ertangi kelajagimiz, yurtimiz taraqqiyoti masalasi turganligini, bu ezgu maqsadlarga, albatta, yoshlar bilan birgalikda erishish mumkinligini, buning uchun yoshlar har tomonlama faol boʻlishlari kerakligi xususida gapirdilar.
Shundan soʻng, Oʻzbekiston Yoshlar ittifoqi Yoshlar ittifoqi tuman Kengashi raisi oʻrinbosari Jasurbek Davletov yoshlarga orzu-umidlarini roʻyobga chiqarishlarida koʻmaklashish, bandligini taʼminlash, “Yoshlar — kelajagimiz!” davlat dasturi boʻyicha tumanda qilinayotgan ishlar, yoshlar tadbirkorligini rivojlantirish borasida koʻrilayotgan chora-tadbirlar xususida axborot berdi.
Ochiq muloqot tarzida boʻlib oʻtgan uchrashuvda yoshlarning takliflari, tashabbus va muammolari ham oʻrganildi. Oʻzlarini qiziqtirgan savollar bilan murojaat qilgan yoshlar toʻliq javoblar oldilar.
Uchrashuv yakunida yoshlarga esdalik sovgʻalari berildi.
O.Xudoyberganova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
