Prokuratura xodimlarini kasb bayramlari bilan tabriklaymiz!
Mamlakatimizda 8-yanvar – Oʻzbekiston Prokuratura organlari xodimlari kuni sifatida keng nishonlanadi. Oʻzbekiston Respublikasining 2016-yil 19-dekabrdagi Qonuniga muvofiq joriy etilgan ushbu sana munosabati bilan tadbirlar oʻtkazilishi anʼanaga aylandi. Shu kuni prokuratura organlarida uzoq yillar samarali faoliyat yuritgan faxriylar bilan uchrashuvlar tashkil etiladi. Mamlakatimizda sohani tubdan isloh qilish boʻyicha amalga oshirilayotgan ishlarda faol ishtirok etayotgan soha xodimlarining xizmatlari ham alohida eʼtiborga olinib, sharaflanadi.
Davlatimiz rahbari Sh.Mirziyoyev asos solgan taraqqiyotimizning yangi bosqichida jamiyatda adolatni qaror toptirish, qonuniylikni mustahkamlash hamda inson huquqlarini himoya qilish boʻyicha keng qamrovli va misli koʻrilmagan islohotlar amalga oshirila boshladi. Soʻnggi yillarda prokuratura organlari faoliyati bilan bogʻliq 20 ga yaqin qonun, farmon, qaror va farmoyish qabul qilindi. Qabul qilingan huquqiy hujjatlar natijasida taraqqiyotimizning yangi bosqichida jamiyatda adolatni qaror toptirish, qonuniylikni mustahkamlash hamda inson huquqlarini himoya qilish boʻyicha qator amaliy ishlar bajarildi.
Taʼkidlash kerakki, Prezidentimiz tomonidan 2016-yil 19-dekabrda Oʻzbekiston Respublikasining “Oʻzbekiston Respublikasi prokuratura organlari xodimlari kunini belgilash toʻgʻrisida”gi Qonuni imzolangani, unga muvofiq, kasbiy bayramning belgilanganligi prokuratura organlari xodimlari bilan birga soha faxriylarining ham quvonchini oshirdi. Ayni paytda prokuratura organlari xodimlari zimmalariga yuklatilgan har qanday vazifani bajarishga vijdonan, sadoqat va yuksak masʼuliyat bilan yondashmoqda. Shu qatorda fuqarolarning huquq va erkinliklarini, jamiyat va davlatning qonun bilan qoʻriqlanadigan manfaatlarini himoyalash, jinoyatchilik va huquqbuzarliklarning oldini olish hamda profilaktika qilish borasidagi ishlarni izchillik bilan amalga oshirishmoqda.
Prokuratura xodimlarining faoliyati xalq manfaatlariga xizmat qilishga yoʻnaltirilayotgani quvonarli. Prezidentimiz taʼkidlaganlaridek, prokuratura organlari xodimlarining ishi katta masʼuliyat, fidoyilik va halollikni talab qiladi. Zero, qabul qilinayotgan har bir qaror zamirida inson taqdiri turadi. Biz prokuratura xodimlarini kasb bayramlari bilan qutlaymiz va masʼuliyatli ishlarida muvaffaqiyat tilaymiz.
Robiya YOʻLDOShEVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
