EʼTIBORGA LOYIQ MEHNAT QILAMIZ

Mamlakatimizda sudning mustaqilligini taʼminlash, uni inson huquq va erkinliklarining haqiqiy himoyachisiga aylantirishga qaratilgankeng koʻlamli tashkiliy – huquqiy chora- tadbirlar amalga oshirilmoqda.sudlarning vakolatlari izchil kengaytirilib, dastlabki tergov ustidan sud nazorati kuchaytirildi, prokuratura organlarining sud jarayoniga aralashuvini jiddiy cheklash boʻyicha qonunchilik normalariga zarur oʻzgartirishlar kiritildi.

Shuningdek, jinoyat va fuqarolik ishlarini malakali asosda koʻrib chiqish,fuqarolar huquq va erkinliklarini toʻla va har tomonlama himoya qilish maqsadida umumiy yurisdiktsiya sudlari ixtisoslashtirildi. Shu asosda  2017-yil iyulda tashkil etilgan tuman Iqtisodiy sudiham oʻz faoliyatida tumanimizdagi xoʻjalik yurituvchi subʼektlarining iqtisodiy nizolarini qonuniy hal qilishda muhim ahamiyat kasb etmoqda. Sud faoliyati boshlanganidan to  shu kungacha 3933 ta daʼvo arizalar va arizalar kelib tushgan boʻlsa,shuning 148 tasi tegishlilik boʻyicha boshqa sudlarga yuborildi, 11 ta daʼvo ariza va arizalarni qabul qilish rad etilgan, 293 tasi qabul qilinmasdan qaytarilgan. Ishyurituviga qabul qilingan 3481 ta daʼvo arizaning 66 tasi boshqa Iqtisodiy sudlardan kelib tushgan.

Shu kungacha tuman  Iqtisodiy sudida jami 3481 ta daʼvo arizalar va arizalar koʻrib chiqildi va 3085 tasi qanoatlantirildi.Shuning 233tasi sud buyrugʻi berish tartibidagi ishlardir.362 ta daʼvo arizani qanoatlantirish esa rad etildi, 24 tasi koʻrmasdan qoldirildi.

Shunisi eʼtiborliki, muhokama etilgan jami ishlarning 2818 tasi sayyor sud majlislarida, omma ishtirokida koʻrib chiqildi va sud jarayonining shaffofligi, haqqoniyligi taʼminlandi.Ushbu jarayonlarda daʼvogarlar foydasiga 104367,68mln.soʻm undirildi, 59,63 mln. soʻmlik davlat bojlari ixtiyoriy toʻlandi, sud qaroriga asosan esa 1922,02 mln.soʻm davlat boji undirildi.

Shu oʻrinda, tuman iqtisodiy sudining tumandagi maxalla va ovul fuqarolar yigʻinlari bilan hamjihatlikda bir qator ishlar olib borilayotganligini alohida taʼkidlab oʻtish joiz. Chunki “Mening mahallam – Mening sudyam” mavzusida tumandagi maxalla va ovul fuqarolar yigʻinlarida sayyor uchrashuvlar tashkil qilindi, maxalla va ovul fuqarolar yigʻinlari binolarida xalq bilan uchrashuvlar oʻtkazilib, ularga amaldagi qonun hujjatlarini tushuntirish, ularning masalalariga huquqiy yordam berib borildi.

Barcha yurtdoshlarimizni yaqinlashib kelayotgan yangi yil bayrami bilan qizgʻin tabriklayman, ishlarida muvaffaqiyatlar tilayman.

Oʻtkirjon Sabirov, tuman Iqtisodiy sudi raisi.
Baxodir Baltaboyev, “Mahalla” xayriya jamoat fondi tuman boʻlinmasi raisi.