Qonun ustuvorligi – huquqiy demokratik davlat va fuqarolik jamiyatining eng muhim mezoni

Ona Vatanimiz hayotidagi eng ulugʻ va eng qutlugʻ sanalardan biri boʻlgan Oʻzbekiston Respublikasi Konstitutsiyasi qabul qilingan kunning 27 yilligi yurtimizda keng nishonlandi.

Kuni kecha ushbu muhim tarixiy sana munosabati bilan oʻtkazilgan tantanali yigʻilishda Oʻzbekiston Respublikasi Prezidenti Sh.M.Mirziyoyevning maʼruzasini televideniye orqali zoʻr qiziqish va katta hayajon bilan koʻrdim va tingladim.

Tantanali marosimda muhtaram Prezidentimiz “Davlat idoralari faqat fuqarolarga emas, balki oʻzlariga nisbatan tanqidiy fikrlarni ham adolat bilan, xolis koʻrib chiqishlari lozim. Shaxar va qishloqlarimiz qiyofasini oʻzgartirish, qurilish va obodonchilikka oid qarorlar, dastlab oʻsha xududdagi aholi oʻrtasida muhokama qilinib, jamoatchilik ekspertizasidan oʻtkazilishi shart” deya alohida taʼkidlab oʻtdilar.

Shu bilan birgalikda “jamoatchilik nazorati – bu faqatgina davlat idoralari faoliyati ustidan nazorat emas, balki jamiyatning oʻzini oʻzi boshqarish usuli, boshqacha aytganda, fuqarolik jamiyatini taraqqiy toptirishning muhim omillaridan biridir”, degan soʻzlari bizning oʻz faoliyatimizni sifat jixatidan yana bir pagʻona balandga koʻtarish, jamoatchilik nazoratini oʻrnatishda odillik, tenglik, maʼsuliyat va javobgarlik tamoyillariga qatʼiy amal qilish maʼsuliyatini zimmamizga yuklaydi. Chunki fuqarolarning oʻzini oʻzi boshqarish organlari faoliyatining huquqiy asoslari mustaxkamlanib borar ekan, jamoatchilik nazorati bilan bogʻliq faoliyati ham kengayib bormoqda.

Mamlakatimiz juda tez va jadal rivojlanib borayotgan bir paytda butun jamoatchilikni uygʻotish va fuqarolarning faolligini oshirishda mahallaning oʻrni va roli katta. Mahalla har bir oila va har bir inson qalbiga yoʻl topa olishi va har bir oilaga kirib borishiga esa shak-shubha yoʻq. Inson dunyoga kelishidan boshlab to soʻnggi yoʻlga kuzatilgungacha boʻlgan hayoti mahalla-koʻy bilan chambarchas bogʻliqligi - bu hayotiy haqiqat.

Prezidentimizning maʼruzalarida koʻzda tutilgan ustuvor vazifalarni bajarishda mahalla fuqarolar yigʻinlari keng koʻlamdagi maʼnaviy-maʼrifiy tadbirlarni amalga oshirmogʻi, gʻoyaviy tahdidlarning oldini olishi va bu tahdidlarning ezgu fazilatlar va milliy qadriyatlarimizga rahna solmasligi uchun kurashishi, oilaviy ajrimlar va jinoyatchilik, xuquqbuzarliklarinng oldini olish eng dolzarb vazifa boʻlib qolaveradi.

Zebogul Rajabova,
 “Yangiobod” MFY raisi.