Televizoringizda Amudaryo telekanali koʻrsatmayaptimi?
Soʻnggi kunlarda koʻpchilik "Amudaryo telekanali koʻrsatmayapti" degan mazmundagi savol bilan bizga murojaat qilmoqda.
Gap shundaki, Mangʻit radio televizion stantsiyasida joylashgan va shu paytga qadar Amudaryo TV hamda Jaslar telekanali efirga uzatib kelingan teleuzatgich orqali 19-avgustdan boshlab UZDIGITAL TV kompaniyasi tomonidan xorijiy kanallarni ham efirga uzatish yoʻlga qoʻyildi.
Agar Sizning televizoringizda Amudaryo telekanali koʻrsatmayotgan boʻlsa, televizor yoki tyuneringiz orqali DTV boʻlimidan faqat 33-kanalni (570 mHz, “Puchnoy poisk”) yoki barcha raqamli kanallarni (“Avto poisk”) qaytadan qidiring.
Endilikda Mangʻit shahri va shahar atrofida (30 km radiusda) yashovchi aholi xorij telekanallarini ham oddiy antenna orqali (signal kuchaytiruvchi moslamalarsiz, hatto uy ichidagi antenna bilan) tomosha qilishlari mumkin. Xorij telekanallari yopiq tarzda (pullik asosda) efirga uzataladi.
Amudaryo teleknalini har doimgidek ochiq toʻplam tarkibida (bepul) koʻrish mumkin. Yopiq toʻplam tarkibidagi telekanallarni koʻrish uchun esa UZDIGITAL TV tomonidan taklif qilinayotgan TeleCARD uskunasi yoki maxsus tyunerini xarid qilishingiz va kompaniya tomonidan belgilangan tarif boʻyicha oylik toʻlovni amalga oshirishingiz kerak. Ushbu uskunalarni Mangʻit shahrida Mangʻit pochta aloqa tarmogʻi binosida ham xarid qilishingiz mumkin.
Eslatib oʻtamiz, 2019-yilning 25-iyulidan boshlab Amudaryo telekanali koʻrsatuvlari Nukus shahri va Qoʻngʻirot tumanlaridagi teleuzatgichlar orqali ham efirga uzatila boshlandi. Endilikda Amudaryo telekanalini Nukus shahri, Xoʻjayli, Nukus, Chimboy, Qonlikoʻl, Shoʻmanay, Qoraoʻzak, Qoʻngʻirot va Kegayli tumanlarida ham koʻrish mumkin.
Amudaryo telekanali tahririyati.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
