BIR JILFA ShIVIRI
yoʻl – boshi qayerda, oxiri qayerda, nomaʼlum. Tanish-notanish yoʻlovchi sekin ketayotir. Mayda-mayda qadamlar ila ketayotir. Qayerga? Oʻzi ham toʻla anglamagan manzil tomon. Nega? Nima uchun? Orzulari bordir, armonlari ovoziga chiday olmay ketayotgandir? Xullas, qayergadir, shuni biladi faqat. Bir mahal atrofiga qaraydi. Qandaydir ovoz shamol tilida soʻzlayotgandek. Tanish ovoz, nimasidir tanish. Tovushlardagi maʼnoni tushunmayapti. bir lahza oʻylaydi. Yoʻq, tushunmayapti. Yana yoʻlida davom etadi.
***
togʻlardan boshlanadi. Jilgʻalardan, irmoqlardan yaralgan daryo. Qachondir Orolga quyilgan bu daryo. Orol dengizi – Orol sahrosiga aylandi. Nega? Nima uchun? Javoblar koʻp. Kim aybdor? Javoblar koʻp. Daryo yana qirgʻoqlariga sigʻmay oqadimi? Orol sahrosi dengizga aylanadimi? Taxminlar koʻp. Savollar... Javoblar... Xulosalar... Hayot davom etayapti...
mavzu nima haqida, ijodkor nima demoqchi? Nomaʼlum yoʻl... Tanish-notanish yoʻlovchi... Qandaydir ovoz... Daryo... Orol sahrosi... Nega biri-biriga bogʻliq bu manzaralar? Yozayapman... Oʻylayapman... Yangi-yangi eshiklar ochilayapti.
***
tumani adabiy muhitida men qanday vazifani bajarayapman? Tengdosh ijodkorlarchi, nima qilishayapti? Yozishni tugatganlar ham, uzun sukunat ortiga chekinganlar ham bor. Kimni taniyman, kimni yaxshi bilaman?.. Eng muhimi, adabiy sanʼat olamida tumani adabiy muhiti zimmasidagi vazifa nimadan iborat? Bizning avlod adabiy ijodni his qiladimi?.. Savol... Javob... Xulosa... Oʻylayapman... Yozayapman.
tanishayapmiz: salom... Ismingiz kim? Falonchi, falonchi... Nima ish qilasiz? Yozaman, ijodkorman... Yoʻgʻ-yey... Ha, gazetada ham chiqqanman. Tanimayman... Sizning ismingiz kim?... Oʻsha javob, oʻsha holat. Munosabat butunlay oʻzgaradi. Kim kuchli... Kimning qoʻlidan nima keladi?.. Kim eʼtirof etgan?.. Shaxsiy ijod ikkinchi darajada, ijodiy fikr, ijodiy gʻoya ahamiyatsiz. Uzoqlashamiz... Koʻngil gʻariblashadi...
adabiy muhitida qatnashganman, bu muhit oʻziga xos. Xorazm yoshlari ijodi ham boshqacha. Toshkent adabiyoti yuksak mehnat talab qiladi. Toshkentni ikkiga ajrataman: toshkentliklar va viloyatlik ijodkorlarning ijodiy maktabi. Negadir bizning Oʻzbekistonga aylanishimiz qiyin. Ammo bir-birimizga qiziqishimiz katta. Adabiy jurnal va gazetalarning elektron shaklini oʻqiyman, adabiy saytlardagi jarayonlarni kuzataman. Adabiyot maʼlum maʼnoda internetga koʻchayapti. Telegram va Facebook ijodiy jarayonida harorat tobora oshib borayapti. Yangi nomlar, biz bilgan ustozlarning ijodidan yaqin kunlardagi namunalari... Ular tanishadi, bilishadi, har kuni hech boʻlmasa bir bora suhbatlashadi, betinim oʻqib-oʻrganadi va ulgʻayadi. Biz havas qilamiz, lekin dangasalikdan xalos boʻlishga intilmaymiz. Negaki vaqtimiz yoʻq, ishimiz koʻp. Natija esa juda arzon. Isteʼdodni oʻldirish, jinoyat. Bahonalar, sabablar koʻp boʻlmasin, baribir jinoyat. Toʻgʻri yoʻl izlash va topish zarur.
matbuot mavjud. Televideniye hamda “Jayxun ilhomlari” NNT faoliyati yoʻlga qoʻyilgan. “Jayxun sadosi” internet radiosi, amunews.uz veb-sayti oʻzida tuman nafasini ifodalayapti. Demak, tumandagi adabiy muhitni isteʼdodli, yetuk ijodkor-yoshlar yuksaltiradi. Nazarimda ushbu ishlar bizning chekimizga tushgan vazifalardir. Koʻngilda tuygʻular izhori koʻp. Ayni lahzalarda sizning munosabatingizga qiziqayapman. Birlashib daryoga aylanish oʻzimizga bogʻliq. Fikrlaringizni kutaman.
Shohzod Anvar.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
