AHOLI VA ChEGARAChILAR HAMKORLIGI YaNADA MUSTAHKAMLANADI

Amudaryo tumanidagi Amir Temur nomli ovul fuqarolar yigʻinida ovul hududida Oʻzbekiston Respublikasining “Davlat chegarasi” toʻgʻrisidagi Qonuniga rioya qilinishini taʼminlash maqsadida Davlat xavfsizlik xizmati chegara qoʻshinlari tarkibidagi 9202 “D” harbiy qism bilan hamkorlikni kuchaytirish maqsadida bir qancha ishlar amalga oshirilayapti.

Ovulda fuqarolar yigʻini bilan harbiy qism hamkorligida har oyda  bir marta tadbirlar oʻtkazilib, ularda ovuldagi fermer xoʻjaliklari ishchilari, ovul faollari va imomlari ishtirok etishayapti. Ushbu tadbirlarda Oʻzbekiston Respublikasining “Davlat chegarasi toʻgʻrisida” gi Qonuniga rioya qilish, diniy ekstremizm va terrorizmning oldini olish yuzasidan keng turda tushunchalar berilayapti.

Shunday tadbirlardan biri joriy yilning iyun oyida ovulning mehnatkash aholi punktida oʻtkazilib, unda chegara hududida faoliyat koʻrsatayotgan fermer xoʻjaliklari ishchilari, ovul faollari va imomlari ishtirok etdilar.

Tadbirda 9202 “D” harbiy qism xodimi E.Joʻraboyev va DXX tuman boʻlimi xodimi U.Hasanovlar soʻzga chiqishib, chegara hududida Oʻzbekiston Respublikasining “Davlat chegarasi toʻgʻrisida”gi Qonuniga qatʼiy rioya qilinishi lozimligi, chegara oldi hududlarida jamoat  xavfsizligini taʼminlash va davlat chegarasi daxlsizligini saqlash maqsadida fuqarolarning oʻzini oʻzi boshqarish organlari jamoat tashkilotlari hamda chegara hududida yashovchi fuqarolar bilan chegarachilar hamkorligini kuchaytirish zarurligi haqida  gapirdilar.

Ushbu tadbirda ovul faollari ham soʻzga chiqishib, davlat chegarasini qoʻriqlash, bu joyda tartib-intizom boʻlishini taʼminlashga koʻmaklashish har bir Oʻzbekiston fuqarosining burchi ekanligini taʼkidladilar.

Amir Temur OFY va 9202 “D” harbiy qism xodimlari hamkorligida oʻtkazilgan ushbu tadbir yakunida tegishli qaror qabul qilindi.

Fazliddin MAHAMADIYeV, harbiy xizmatchi.