2022-yilda Oʻzbekiston Respublikasi boʻyicha aholini roʻyxatga olish oʻtkazilishi rejalashtirilmoqda
Birlashgan Millatlar Tashkiloti 2020-yilda Butunjahon aholi va uy-joy fondini roʻyxatga olish dasturini qoʻllab-quvvatlashini eʼtiborga olgan holda, aholi sonining aniq hisoblab chiqilishini taʼminlashga qatʼiy daʼvat etmoqda. Yagona hisobga olish davrida aholining jinsi, yoshi, oilaviy ahvoli, maʼlumoti, hayot darajasi, yashash sharoiti, bandligi, millati, fuqaroligi hamda boshqa demografik, ijtimoiy-iqtisodiy xususiyatlari boʻyicha yakka tartibda hisobga olish va batafsil tavsiflash maqsadida respublikamizda 2022-yilda aholini roʻyxatga olish amalga oshiriladi.
Shu oʻrinda aytish joizki, mustaqillik yillarida bunday jarayon hali boʻlib oʻtmagandi. Bu esa aholi soniga, yosh-jins tarkibiga keskin taʼsir koʻrsatgan oʻzgarishlar, fuqarolarning respublika hududidagi joylashuvi xususiyatlari va boshqa ijtimoiy-demografik oʻziga xosliklarga oid mavjud maʼlumotlarni qoʻllashning sezilarli darajada cheklanishiga olib kelayotgan edi. Qoraqalpogʻiston Respublikasi, viloyatlar va Toshkent shahar hokimliklari huzurida 2022-yilda aholini roʻyxatga olishga koʻmaklashuvchi hududiy komissiyalar tashkil etiladi. Ular roʻyxatga olishga tayyorgarlik koʻrish va uni oʻtkazish bilan bogʻliq tadbirlarning oʻz vaqtida hamda sifatli bajarilishini taʼminlashadi va jarayonga masʼul hamkor tashkilotlar ish faoliyati samaradorligini oshirishga, jarayonga jismoniy va yuridik shaxslarni jalb qilishga, ularning mehnatiga haq toʻlash masalalarini hal qilishga masʼul hisoblanadi.
Aholining roʻyxatdan oʻtkazilishi respublikamiz hayotida muhim jarayon sifatida oʻrin egallashi shubhasiz. Bu har bir fuqaroning ijtimoiy-iqtisodiy holatini yaqqol namoyon etadi. Shu bilan birga kelgusida aholi farovonligini yanada oshirishda olib borilishi kerak boʻlgan ishlar koʻlamini aniqlashga ham yordam beradi.
H.Haytimbetov,
tuman Statistika boʻlimi boshligʻi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
