9-may - Xotira va qadrlash kuni munosabati bilan bayram tadbiri oʻtkazildi
Yurtimizda 9-may Xotira va qadrlash kuni sifatida keng nishonlanadi. Bugungidek dorilomon, osuda hayot uchun kurashgan, Ikkinchi jahon urushining olovli soʻqmoqlarida jon olib-jon berib, gʻalabaga munosib hissa qoʻshgan yurtdoshlarimizning matonati, jasorati bayram kunlari yana bir bora eʼtirof etiladi.
Ikkinchi jahon urushida Oʻzbekistondan 1,5 million kishi urushga safarbar qilingan. Ularning 500 mingdan ziyodi jang maydonlarida halok boʻlgan. Tumanimizdan esa 4344 nafar alp yigitlar urushga otlanishgan va ularning 1520 nafarigina omon qaytib kelishga muyassar boʻlishgan. Bugungi kunda Ikkinchi jahon urushi ishtirokchilarining 3 nafarigina hayot boʻlib, ozod va obod davrda keksalik gashtini surmoqda. Ular bayram oldidan Yurtboshimiz Farmoniga muvofiq 7 mln. 500 ming soʻm bir martalik pul mukofoti bilan taqdirlandi, nuroniylarimiz uchun munosib turmush sharoitlari yaratildi. Bayram arafasida davlat va jamoat tashkilotlari, keng jamoatchilik vakillari urush faxriylarining uylariga tashrif buyurishib, ularga yuksak hurmat-ehtirom koʻrsatishdi, gʻalabaga munosib hissa qoʻshib, dunyodan oʻtgan sobiq jangchilar xotirasi yodga olindi.
9-may kuni Mangʻit shahridagi Xotira bogʻida ham Xotira va qadrlash kuni munosabati bilan tantanali marosim oʻtkazildi. Unda tuman hokimligi, Mudofaa boʻlimi, huquqni muhofaza qiluvchi organlar, jamoat tashkilotlari, siyosiy partiyalar va boshqa korxona-tashkilotlar rahbarlari, urush faxriylari, front orqasida gʻalabaga munosib hissa qoʻshgan mehnat faxriylari, oʻquvchi-yoshlar ishtirok etdilar.
Tantanali marosimni tuman hokimining birinchi oʻrinbosari M.Temirboyev ochdi va olib bordi. Tumanimiz hokimi S.Yoʻldashev, "Nuroniy” jamgʻarmasi tuman boʻlimi raisi B.Allaberganov, Yoshlar ittifoqi faoli A.Hayitboyev, “Yusuf eshon bobo” jomeʼ masjidi imom-xatibi A.Matsapayevlar urushning dahshatli oqibatlari, farovon, osoyishta kunlarning qadriga yetish haqida gapirdilar. Oʻtganlar ruhiga atab Qurʼon tilovat qilindi. Shundan soʻng, jangovar marsh sadolari ostida mangu yoniq olov poyiga gulchambarlar qoʻyildi.
Tuman Madaniyat boʻlimi va Mangʻit shahridagi umumtaʼlim maktablari oʻquvchilari tomonidan tayyorlangan sahnalashtirilgan musiqiy dastur namoyish etildi, tinchlikning qadr-qimmatini, baxtiyor zamonamizni ulugʻlovchi kuy-qoʻshiqlar yangradi. Urush va mehnat faxriylari oʻzlariga koʻrsatilgan hurmat-ehtiromdan cheksiz minnatdor boʻldilar.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
