XALQ TAʼLIMI TIZIMIDA “BAXTLI MAKTAB” LOYIHASI TATBIQ ETILMOQDA

2018-yilning 5-7-noyabr kunlari Oʻzbekiston Respublikasi Xalq taʼlimi vazirligi, BMTning giyohvand moddalar va jinoyatchilik boʻyicha boshqarmasi bilan hamkorlikda oʻquvchilar va oilalar bilan samarali ishlash, bir qator ijtimoiy-psixologik hayotiy koʻnikmalarni rivojlantirish, xalq taʼlimi tizimidagi tarbiya jarayonidagi psixologik-pedagogik kompetentligini oshirishga yoʻnaltirilgan “Mustahkam oila” trening dasturini va “Baxtli maktab” loyihasi kontseptsiyasini oʻzlashtirish boʻyicha respublika oʻquv seminarini tashkil etgan, bu boradagi ishlarni keyinchalik respublika darajasida kengaytirish nazarda tutilgan edi.

Shu asosda Qoraqalpogʻiston Respublikasi Xalq taʼlimi vazirligining 2019-yil 4-yanvar kungi 01-10 / 1-0009-sonli xatiga asosan “Baxtli maktab” loyihasini amalga oshirishga tuman maktablari uchun 76-sonli maktab tayanch maktab qilib belgilandi.

Shu munosabat bilan joriy yilning 7-9-fevral kunlari Nukus shahridagi 27-sonli maktabda loyihani amalga oshirishga bagʻishlangan oʻquv-seminarda mazkur maktabning maʼnaviy-maʼrifiy ishlar boʻyicha direktor oʻrinbosari Nusrat Kamolov, psixologi Yulduz Bobojonova, yoshlar yetakchisi Muyassar Rahmatulllayeva, jismoniy tarbiya fani oʻqituvchisi Rasul Xoʻjamurodovlar qatnashdi va ularga Qoraqalpogʻiston Respublikasi Xalq taʼlimi vazirligi tomonidan sertifikatlar berildi.

Ular endilikda tumandagi barcha maktablarda ushbu loyihani amalga oshirish uchun pedagogik jamoalari bilan ish olib boradilar.

Mazkur maktabda 25-26-fevral kunlari 47-,64-, 10-, 48-, 40-, 15-, 11-, 33-, 52-, 20-sonli maktablar maʼnaviy-maʼrifiy ishlar boʻyicha direktor oʻrinbosarlari, yoshlar yetakchilari ishtirokida “Mustahkam oila” trening dasturi asosida amaliy seminar oʻtkazildi.

Oʻquv seminarning asosiy maqsadi maktab, oila, mahalla hamkorligini yanada mustahkamlash, oʻquvchilar va ota-onalar bilan samarali ish olib borish, bu borada pedagog xodimlarning malakasini va mahoratini oshirishdan iborat edi. Amaliy seminarda dasturni maktablarga tatbiq etish borasida muayyan bilim va aniq maqsadlarga ega boʻlgan oʻqituvchilarga tuman Xalq taʼlimi boʻlimi tomonidan sertifikat taqdim etildi.

Sevara Bozorboyeva, tuman XTB xodimi.