3 km. yoʻlga aholi hashar yoʻli bilan tosh toʻshadi
Ommaviy axborot vositalari orqali har kuni mamlakatimizda amalga oshirilayotgan oʻzgarishlar, yangilanishlar haqida maʼlumotga ega boʻlib turamiz. Oʻzlarining halol mehnatlari tufayli farovon yashab, muhtojlarga ham madad qoʻlini choʻzayotgan himmatli yurtdoshlarimiz haqida eshitish odamni quvontiradi. Baʼzan esa televizorda ikki-uch oila, bir etak bolalari bilan torgina hovlida yashayotgan, yo sharoitlari yomon ahvoldagi uylarda yashayotganlar haqidagi koʻrsatuvlarni koʻrib, ota-bobolarimizning birni koʻrib fikr qil, birni koʻrib shukr qil, degan dono soʻzlarini eslaymiz. Baʼzan sogʻlom, togʻni ursa talqon qilguday oʻgʻillari bor oilalar ham hovli-joyligi torligi yo sharoitlari yetarli emasligidan nolishadi. Shunday vaqtlarda bu zabardast oʻgʻlonlar oilasi yaxshi, favron yashashi uchun nega intilmaydi, degan bir haqli savol tugʻiladi.
Ha, yaxshi hayot oʻz-oʻzidan kelmaydi, hech kimga. Buning zamirida mehnat borligini unutmaslik kerak.
Shular haqida oʻylaganimda oʻzim istiqomat qiladigan Toʻlqin ovulining Agronom mahallasi koʻz oʻngimga keladi. Mahallamizda deyarli barcha turli korxona, tashkilotlarda ishlash bilan bir qatorda oilasida mol, parranda boqishadi, tomorqasida yil davomida oʻz ehtiyojiga yetguday meva, sabzavot yetishtirishadi. Har kuni Mangʻit dehqon bozoriga qop-qop kartoshka, sabzi, piyozlar va sut, qatiq olib borib sotishadi. Natijada turmushi obod.
Yil boshida mahalladoshlarimiz oʻzaro maslahatlashib, 4 ta koʻchaga 3 km. masofadagi yoʻlga hashar yoʻli bilan tosh toʻshadilar va shaxsiy transportida yogʻin-sochinli kunlarda ham bemalol yurishlari uchun sharoit yaratishdi.
Mahalla nuroniylaridan Jumaboy Qaliyev, koʻchaboshchi Toʻliboy Yoʻldoshevlar hududni obodonlashtirish, koʻkalamzorlashtirishga ham bosh boʻlishayapti. Harakatda – barakat deganlari shu emasmi?
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
