TAʼLIM MASKANLAPIDA BOBUPXONLIK KEChALAPI OʻTKAZILDI

Tumanimizdagi 16-sonli maktabda Zahiriddin Muhammad Boburning tavallud kuni munosabati bilan tadbir oʻtkazildi. 

Tadbirda oʻquvchilarga Boburning hayoti va ijodiy faoliyati haqida batafsil maʼlumotlar berildi.   Qayd etilganidek,  Bobur ijodida,  xususan,  sheʼriyatida kindik qoni toʻkilgan ona yurtini dildildan qoʻmsash,  uning tuprogʻiga talpinish,  gʻariblik azoblaridan oʻtli hasrat,  yoru diyor sogʻinchi va visol ilinji,  taqdir zarbalari va turmush uqubatlari,  zamona nosozliklaridan nola badiiy tahlil etiladi.

Bobur ijodida ishq-muhabbat,  sevgi-sadoqat,  visol va hijron mavzulari ham salmoqli oʻrin tutadi.  Uning gʻazal va ruboiylarida,  tuyuq va masnaviylarida maʼshuqaning maftunkor goʻzalligi,  beqiyos husnu latofati,  sharqona odobu axloqi bilan ravon misralar orqali katta mahoratda tarannum etiladi.

Mangʻit shahridagi 38-sonli maktabda oʻtkazilgan Boburxonlik kechasida soʻzga chiqqanlar taʼkidlab oʻtdilarki,  hozirda Boburning 119 gʻazali,  209 ruboiysi,  10 dan optik tuyuq va qitʼalari,  50 dan ortiq muammo va 60 dan ziyod fardlari aniqlangan.  Devoni tarkibida umumiy hajmi 270 baytdan iborat 8 masnaviy ham oʻrin olgan.

Aytish kerakki,  Boburning nafaqat ijodi balki hayot yoʻli ham yoshlar uchun ibrat maktabidir.  U oʻz yurtida hukmronlik qilgan davrda ham,  Hind diyorida hukmdor boʻlgan yillarda ham obodlik va farovonlikni,  ilm va sanʼat ahliga xomiylik qilishni,  xalqning turmush sharoitini yaxshilash,  soliqlarni kamaytirishni oʻzining bosh vazifalari deb bildi.  Umrining oxiriga qadar oʻzi tugʻilib oʻsgan yurtga qaytishni,  uni obod qilishni orzu qilib,  bu yoʻlda kurashib yashadi. 

Boburning ona yurt sogʻinchi,  yor hijroni,  atrofidagilarning xiyonati tufayli chekkan jabru jafolarini ifoda etuvchi gʻazallari maktab oʻquvchilari tomonidan ifodali oʻqildi.  Buyuk bobokalonimizning hayotida roʻy bergan voqealar,  asarlarida gavdalangan obrazlar sahna koʻrinishlari orqali namoyish qilindi.  Tadbir oʻquvchilar qalbida boy tariximizga,  buyuk bobolarimiz,  xususan Bobur Mirzo ijodiga hurmat tuygʻularini yanada mustahkamladi.