Ekologik xayriya hasharida tuman boʻyicha jami 154 ming 995 nafar kishi ishtirok etdi

Orolboʻyidagi ekologik halokat oqibatlarini yumshatish borasidagi tashabbuslar va saʼy-harakatlarni qoʻllab-quvvatlash, mintaqada ekologik holatni va aholining yashash sharoitlarini yaxshilash maqsadida Oʻzbekiston Pespublikasi Vazirlar Mahkamasi tomonidan 2019-yilning 22-yanvar kuni qabul qilingan 41-f-sonli farmoyishning ijrosini taʼminlash maqsadida Qoraqalpogʻiston Pespublikasi Vazirlar Kengashining 2019-yil 24-yanvar kuni 21-B-sonli, Amudaryo tumani hokimining 02-f-sonli farmoyishlari qabul qilinib, joriy yilning 26-yanvar kuni yurtimizning barcha joylarida boʻlgani kabi Amudaryo tumanida ham umumxalq ekologik xayriya hashari uyushqoqlik bilan oʻtkazildi.

Ekologik xayriya hasharida tuman boʻyicha jami 154 ming 995 nafar kishi ishtirok etdi. Ularning 73 ming nafardan ortigʻini yoshlar tashkil qildi. Shu kuni tuman boʻyicha 243,7 gektar maydonda obodonlashtirish ishlari amalga oshirildi va 204,5 tonna maishiy va qurilish chiqindilari maxsus joylarga chiqarib tashlandi.

Shuningdek, tumanda 116 km. uzunlikdagi ariq va zovurlar tozalandi, 45 ta qabriston va 1 ta ziyoratgoh obodonlashtirildi hamda 12 ming 864 tup mevali va manzarali daraxtlarga shakl berildi.

Tuman hududlarini obodonlashtirish va chiqindilardan tozalash ishlariga 74 ta texnika vositalari jalb qilindi.

Umumxalq ekologik xayriya xashari kunida kam taʼminlangan, uy-joylarini taʼmirlashga ehtiyojmand oilalarga, nogironlar va yolgʻiz qariyalarga moddiy yordam koʻrsatish ishlariga ham alohida eʼtibor berildi. Shu kuni 25 ta oila uy-joylari taʼmirlanib, bu ishlarga 1 mln. 102 ming soʻm pul sarflandi. Shuningdek, 213 nafar ehtiyojmand oilalarga, 57 nafar nogironlar va yolgʻiz qariyalarga moddiy yordamlar koʻrsatildi.

Umumxalq ekologik xayriya hasharida ishtirok etgan tumandagi muassasa, korxona va tashkilotlarning mehnat jamoalari Orol dengizining suvi qurigan maydonlarida himoya oʻrmonlarini barpo etish, mintaqada ekologik holatni va aholi turmush sharoitini yaxshilash kabi xayrli ishlarga sarflash maqsadida bir kunlik ish haqlarini tegishli hisob raqamiga oʻtkazish tashabbusini qoʻllab-quvvatladilar.

Umumxalq ekologik xayriya hasharining Amudaryo tumanida uyushqoqlik bilan oʻtgani aholi ogʻzibirchiligi namunasi sifatida baholanmoqda.

Allambergan Jumaniyozov.