2018-YILDA AMALGA OShIRILGAN IShLAR SARHISOBI: Qurilish

2018-yilda maydoni 2 sotix boʻlgan 3 xonali 75 ta arzon uy-joylar, shuningdek, davlat xizmatchilari uchun 9 ta, profilaktika inspektorlari uchun 5 ta xizmat uylari qurilib, foydalanishga topshirildi.

“Yangiobod-1” massivida 80 ta xonadonga moʻljallangan 5 ta 2 qavatli, 16 xonadonli arzon uy-joylar, jami 212 ta arzon uy-joylar qurilishi olib borilayapti.

2018-yilda 30 ga yaqin kam taʼminlangan oilalarning uy-joylari homiylar (kasaba uyushmalari va pudratchi tashkilotlar) yordami bilan joriy taʼmirlandi. 20 ta koʻp qavatli uylarda davlat va aholi mablagʻi hisobidan mukammal hamda joriy taʼmirlash ishlari amalga oshirildi.

Joriy yilda tumanda barcha manbalar hisobidan 4 ta maktab rekonstruktsiya qilindi va mukammal taʼmirlandi. Shuningdek, 7 ta maktabda joriy taʼmirlash ishlari amalga oshirildi. Bundan tashqari, 3 ta maktabgacha taʼlim muassasasi binolari rekonstruktsiya qilindi, yana 3 ta MTM binosi mukammal va 6 ta MTM binosi joriy taʼmirlandi.

Tibbiyot maskanlarida aholiga qulaylik va sharoitlar yaratish maqsadida 1 ta qishloq oilaviy poliklinikasi, 1 ta qishloq vrachlik punkti binosi mukammal taʼmirlandi, 2 ta QOP binosida esa joriy taʼmirlash ishlari amalga oshirildi. Shuningdek, joriy yilda tuman koʻp tarmoqli markaziy poliklinikasi binosi ham joriy taʼmirlandi.

2018-yilda Olmazor mahallasida qiymati 4 mlrd. 940 mln. soʻmlik yopiq suv havzasi qurib bitkazildi va foydalanishga topshirilish arafasida. Qilichboy aholi dam olish markazi binosida qiymati 1 mlrd. 456 mln. soʻmlik mukammal taʼmirlash ishlari amalga oshirilib, zamonaviy qiyofa kasb etdi.