OʻzMTDP tuman Kengashi faoliyati – 2018-yilda

OʻzMTDP Amudaryo tuman Kengashi tarkibida faoliyat yuritayotgan 43 ta boshlangʻich partiya tashkiloti 1365 nafar partiya aʼzolarini birlashtirgan. 2018-yil hisobiga 100 dan ortiq yangidan aʼzolar qabul qilindi va 2 ta BPT tashkil etildi. Partiya aʼzolari safining 43% foizini yoshlar, 57 foiziini esa xotin-qizlar tashkil etadi.

OʻzMTDPdan saylangan Xalq deputatlari tuman Kengashining deputatlik guruhida 9 nafar deputat faoliyat olib bormoqda. Joriy yilda OʻzMTDP deputatlik guruhi tomonidan jami 4 ta mansabdor shaxslarning xisobotlari tinglandi.

Xalq deputatlari tuman Kengashiga OʻzMTDP deputatlik guruhi aʼzolari tomonidan tumandagi mavjud muammoli masalalar yuzasidan 31 ta deputat soʻrovlari berilib, barchasiga tegishli javoblar olindi.

Sessiya kun tartibiga yil davomida 6 ta masala taklif etilib, bu masalalar Xalq deputatlari tuman Kengashi sessiyalarida koʻrib chiqildi.

Xalq deputatlari tuman Kengashining ijtimoiy-madaniy rivojlantirish hamda yoshlar siyosati va sogʻlom avlodni tarbiyalash masalalariboʻyicha doimiy komissiyasida jami 24 ta masala koʻrib chiqildi.

Shu kungacha partiya tomonidan jami 56 ta tadbir oʻtkazilgan boʻlib, shundan 35 tasi «Yoshlar qanoti» tomonidan tashkil etilib, bu tadbirlarda 1687 nafar partiya faollari ishtirok etdi.

Partiya tomonidan yoshlarning boʻsh vaqtlarini mazmunli oʻtkazishlari, kam taʼminlangan oilalar farzandlarini turli xil fan va hunar toʻgaraklariga jalb qilish maqsadida tashkil etilgan “Xizmat – beminnat” loyihasi doirasida OʻzMTDP Amudaryo tuman Kengashi tomonidan joriy yil davomida 14 ta bepul oʻquv kurslari tashkil etildi. Mazkur oʻquv va hunarmandchilik boʻyicha kurslarda 100 dan ziyod yoshlar bepul taʼlim va kasb-hunar oʻrganib kelmoqda. Ularga 14 nafar koʻngilli murabbiylar saboq berib kelmoqda.

Joriy yil mobaynida tuman Kengashining “Yoshlar qanoti” tomonidan “Uyma-uy” loyihasi doirasida tumandagi uyushmagan yoshlar bilan ishlash, ularning bandligini taʼminlash boʻyicha 70 ta xonadonga tashrif buyurildi. Natijada 45 nafar uyushmagan yoshlarga turli masalalarda yordam koʻrsatildi.

Partiyaning «Ayollar qanoti» tomonidan tashkil etilayotgan tadbirlarda 568dan ortiq partiya faollari qatnashdilar. Partiya tashabbusi bilan oʻtkazib kelinayotgan “XXI-asr ayoli” Respublika koʻrik tanlovida 40-sonli umumtaʼlim maktabi oʻqituvchisi Iroda Yaxshimuratova uchinchi marotaba Respublika bosqichida 2-oʻrinni egallagan boʻlsa, 65-sonli maktabning 8-sinf oʻquvchisi Nilufar Turkmanboyeva “Navoiy vorislari” Respublika koʻrik-tanlovining navbatdagi Qoraqalpogʻiston Respublikasi bosqichida Navoiy gʻazallari bilimdoni sifatida faxrli 2-oʻrinni egalladi.

OʻzMTDP Amudaryo tuman Kengashiga 2018-yil jismoniy va yuridik shaxslardan 28 ta murojaat kelib tushdi. Ushbu murojaatlar ijobiy hal etilishiga koʻmaklashildi.

Partiyaning tuman Kengashi tomonidan partiya faoliyatini ommaviy axborot vositalarida yoritish boʻyicha yil davomida jami 208 ta chiqishlar tashkil qilingan boʻlib, shundan televideniyedagi chiqishlar soni 54 ta, radioda chiqishlar soni 3 ta, gazeta va jurnallarda chiqishlar soni 10 ta, internet saytlarida 11 ta, ijtimoiy tarmoqlarda chiqishlar soni 140 tani tashkil etdi. Umuman olganda OʻzMTDP Amudaryo tuman Kengashi faoliyati QR Kengashi tomonidan yil yakunida boʻlib oʻtgan yigʻilishida partiyaning barcha koʻrsatkichlari boʻyicha yuqori natijalarga erishilgani alohida eʼtirof etib oʻtildi hamda Halq deputatlari shahar va tuman Kengashlaridagi OʻzMTDP deputatlik guruhlari orasida natijali faoliyat olib borib, faollik koʻrsatganligi uchun hurmat yorligʻi va baholi sovgʻalar bilan taqdirlandi.

Shuningdek, Xalq deputatlari tuman Kengashining OʻzMTDPdan saylangan 2 nafar deputati - 25-Toʻlqin saylov okrugi deputati Adilboy Yusupov "Xalqparvar deputat" nomiga, 6-Olmazor saylov okrugi deputati Sh.Yangibayeva "Mehnatkash deputat" nomiga sazovor boʻlishdi. Bu kabi yutuqlarimiz bizni yanada faol boʻlishga va oʻz ishimizga boʻlgan masuliyatni yanada oshirishga undaydi.

Sh.Yangibayeva, OʻzMTDP Amudaryo tuman

Kengashi raisi.