Tuman Davlat xizmatlari markazi: 1656 nafar bolalarga davlat MTMlariga yoʻllanmalar berildi

Prezidentimizning 2017-yil 12-dekabrdagi “Aholiga davlat xizmatlari koʻrsatishning milliy tizimini tubdan isloh qilish chora-tadbirlari toʻgʻrisida”gi Farmoniga binoan Oʻzbekiston Respublikasi Adliya vazirligi huzurida Davlat xizmatlari agentligi va agentlikning viloyatlaridagi shahar va tuman markazlari tashkil etildi.

Jismoniy va yuridik shaxslarga davlat xizmatlari koʻrsatish yagona davlat siyosatini amalga oshirish, ortiqcha maʼmuriy tartib-taomillarni bartaraf etish, aholiga tez, qulay va sifatli davlat xizmatlari koʻrsatish tartibini takomillashtirish hamda idoralararo elektron hamkorlikni rivojlantirish mazkur tuzilmalarning asosiy vazifasi etib belgilandi.

Shu kunga qadar “Yagona darcha” tamoyili boʻyicha davlat xizmatlarini koʻrsatish imkoniyatidan faqatgina tadbirkorlik subektlari foydalanib kelgan boʻlsa, shu yilning 1-aprelidan boshlab fuqarolarga ham “Yagona darcha” tamoyili boʻyicha davlat xizmatlarini koʻrsatish yoʻlga qoʻyildi. Yangi tuzilmaning asosiy maqsadi va vazifalari tadbirkorlik subektlari hamda fuqarolarga davlat xizmatlarini sifatli, tezkor, qulay usulda koʻrsatishdan iboratdir.

2018-yil 1-apreldan boshlab aholiga davlat xizmatlarini koʻrsatish jarayonida Fuqarolarni jamgʻarib boriladigan pensiya tizimida hisobga qoʻyish boʻyicha jami 1323 ta ariza kelib tushgan boʻlib, 1323 ta fuqarolarga xizmatlar koʻrsatildi, Maktabgacha taʼlim muassasalariga ariza berish boʻyicha Amudaryo tumani Davlat xizmatlari markazi tomonidan jami  3809 ta ariza qabul qilindi. Bolalarni davlat maktabgacha taʼlim muassasalariga qabul qilish boʻyicha 1656 ta bolalarga yoʻllanmalar berildi.

Bolalarni davlat maktabgacha taʼlim muassasalariga qabul qilish boʻyicha agar zarur boʻlsa imtiyozdan foydalanish mumkin quyidagilar imtiyozli hisoblanadilar.

Nogironligi boʻlgan shaxsning farzandi (guvohnoma seriyasi va raqami).

Uch va undan ziyod bolasi bor oila farzandi (tugʻilish haqida guvohnomalar seriyasi va raqamlari).

Harbiy xizmatchi yoki huquqni muhofaza qilish organi xodimining farzandi (guvohnoma seriyasi va raqami).

Talaba yoki pedagog farzandi (muassasa nomi, direktor (rektor) buyrugʻi raqami.

Yetim yoki ota-ona qarovidan mahrum bola (vafoti haqida guvohnoma yoki boshqa hujjat seriyasi va raqami).

Boshqa muassasadan koʻchirilgan bola (muassasa nomi, qabul qilish toʻgʻrisidagi buyruqning sanasi va raqami).

Aka-ukalari yoki opa-singillari ushbu muassasada tarbiyalanayotgan bola (qabul qilish toʻgʻrisidagi buyruqning sanasi va raqami)

Bolalarni davlat maktabgacha taʼlim muassasalariga qabul qilish boʻyicha agar zarur boʻlsa imtiyozdan foydalanish mumkin. Ariza beruvchi shaxs imtiyozni tasdiqlovchi hujjat yoki uning nusxasini olib kelsa imtiyozli roʻyxatga kiritiladi, bunda imtiyoz huquqi bor arizachilarning bolalariga maktabgacha taʼlim muassasasida boʻsh joy boʻlsa navbatsiz yoʻllanma beriladi.

Nafisa Xudaybergenova, tuman Davlat xizmatlari markazi bosh mutaxassisi.