Harbiylar ishtirokida maʼnaviy-maʼrifiy tadbirlar oʻtkazilmoqda

Yaratganga shukurki, yurtimiz tinch, osmonimiz musaffo. Xalqimiz osoyishta hayot kechirib, mamlakatimiz taraqqiyot yoʻlidan dadil odimlamoqda. Bunday natijalarga Davlat xavfsizlik xizmati chegara qoʻshinlari nafaqat sarhadlarimiz daxlsizligini taʼminlashdagi hushyorligi, balki aholi oʻrtasida targʻibot-tashviqot tadbirlarini oʻtkazishdagi faolligi bilan ham munosib hissa qoʻshmoqda.

Joriy yilning 7-sentyabr kuni Oʻzbekiston Respublikasi Davlat xavfsizlik xizmati chegara qoʻshinlariga qarashli 9202 “D” qism harbiylari tashabbusi bilan Qum yop mahallasida aholi bilan uchrashuv boʻlib oʻtdi.

Yigʻilishda Qum yop MFYraisi F.Yuldashev, Davlat xavfsizlik xizmati chegara qoʻshinlariga qarashli 9202 “D” harbiy qismdan vakillar soʻzga chiqib, “Oʻzbekiston Respublikasining davlat chegarasi toʻgʻrisida”gi Qonunining mazmun-mohiyati va terrorizmga qarshi kurash masalalarida ishtirokchilarga keng turda tushunchalar berdilar.

Soʻzga chiqqanlar aholini chegara oldi tartibi va qoidalariga rioya qilishga va qonun buzilishlarning oldini olishga hissa qoʻshishga chaqirdi. Bu masalada yoshi ulugʻ nuroniylarning, mahalla va maktab maʼmuriyati va “Mahalla posboni” jamoatchilik tuzilmasi aʼzolarining oʻrni xususida ham soʻz yuritildi.

Yigʻilishda chegara hududlarida istiqomat qiluvchi aholining pasport-viza masalalari va boshqa mavzularda bergan savollariga tegishli javoblar qaytarildi.

O.Mahmudov 9202 “D” harbiy qism serjanti.

***

2018-yilning 4-avgust kuni qoʻshinlarda sogʻlom maʼnaviy-axloqiy muhitni shakllantirish, harbiy xizmatchilarning bilimi, maʼnaviy saviyasi va intellektual salohiyatini yuksaltirish, ularning qalbida ona yurtga sadoqat va vatanparvarlik hislarini oshirish maqsadida Oʻzbekiston Respublikasi Prezidentining “Oʻzbekiston Respublikasi Qurolli Kuchlari harbiy xizmatchilarining maʼnaviy-maʼrifiy saviyasini oshirish tizimini tubdan takomillashtirish toʻgʻrisida”gi Qarori qabul qilingan edi.

2018-yil 7-sentyabr kuni 9202 “K” harbiy qismda shu qarorga asosan “2017-2021-yillarda Oʻzbekiston Respublikasini yanada rivojlantirish boʻyicha harakatlar strategiyasi – taraqqiyotimiz dasturi” mavzusida maʼnaviy-maʼrifiy tadbir boʻlib oʻtdi.

Tadbirda Maʼnaviyat va maʼrifat markazi tuman boʻlimi rahbari M.Saparboyev ishtirok etdi va harbiy xizmatchilarga yurtimizda olib borilayotgan islohotlar va yangilanishlar haqida gapirib berdi.

Tadbirda harbiy xizmatchilar oʻzlarini qiziqtirgan barcha savollarga javoblar oldilar.

Ye.ALYaMINOV, 9202 “K” harbiy qism serjanti.