Amudaryo tumanida paxta yigʻim-terimi boshlandi
8-sentyabr kuni Amudaryo tumanining “Oq oltin” ovulidagi “Amudaryo paxta tozalash” AJda 2018-yilgi paxta yigʻim-terimi mavsumining boshlanishiga bagʻishlangan yigʻilish boʻlib, unda tumandagi muqobil mashina traktor parklari raislari va qishloq xoʻjaligi sohasi mutaxassislari ishtirok etdilar.
Yigʻilishda tuman hokimi Sultonboy Yoʻldashev soʻzga chiqib, barchani 2018-yilgi paxta-yigʻim terimi mavsumining boshlanishi bilan tabrikladi va yillik shartnomaviy rejalarni bajarishda muvaffaqiyatlar tiladi.
Tuman hokimi Sultonboy Yoʻldashev tumanimiz fermer xoʻjaliklarining bu yilgidek ogʻir ob-havo sharoitida ham moʻl paxta hosili yetishtirganliklarini alohida taʼkidladi.
– Bizning endigi vazifamiz – mashaqqatli mehnatlar evaziga yetishtirgan paxta hosilimizni nest-nobud qilmasdan yigʻib-terib olib, davlat xazinasiga topshirishdan va 32000 tonnalik shartnomaviy rejamizni kechiktirmay bajarishimizdan iborat. Yigʻim-terim jarayonida pudratchilar va hasharchilar mehnatiga oʻz vaqtida haq toʻlash katta ahamiyatga ega. Shu boisdan ham bu ishda loqaydlikka yoʻl qoʻymasligimiz lozim – dedi tuman hokimi Sultonboy Yoʻldashev oʻz soʻzida.
Yigʻilish yakuniga yetgach, “Kamol brigad” va “Yusufxoʻja” fermer xoʻaliklari birinchilardan boʻlib, davlat xirmoniga paxta topshirishni boshladilar. Paxta topshirishni boshlab bergan bu fermer xoʻjaliklari rahbarlariga qimmatbaho sovgʻalar topshirildi.
A.Jumaniyozov.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
