Davlat xizmatlari markazlari aholiga barcha xizmatlar koʻrsatuvchi oʻziga xos maskandir

Mamlakatimizda aholiga koʻrsatilayotgan davlat xizmatlari koʻrsatish tizimi izchil takomillashtirib, sifatli, tezkor, shaffof davlat xizmatlarini koʻrsatilib kelinmoqda.

Jismoniy va yuridik shaxslarga “yagona darcha” tamoyili asosida davlat xizmatlari koʻrsatuvchi davlat xizmatlari markazlari orqali tezkor davlat xizmatlari koʻrsatilishiga erishildi.

Inson hayotining har bir qadamida, jamiyat hayotining u yoki bu sohasi bilan bogʻliq harakatida davlat organlari bilan duch kelishi muqarrar. Bunda xalq ogʻirini yengil qilish, ularga “davlat-fuqaro” munosabatlarida qulaylik yaratish va shaffoflikni taʼminlash maqsadida davlat rahbari tomonidan davlat xizmatlari koʻrsatishning yangi kontseptsiyasi ilgari surildi.

Fuqarolarning davlat idoralaridagi navbatini keskin kamaytirish, sansalorlikning oldini olish, xalqni davlat idoralaridan rozi boʻlishiga qaratildi. Kundalik hayotda har birimiz roʻpara keladigan, bolalarni maktabgacha taʼlim muassasalariga joylashtirish tashvishi, kadastr xujjatlarini rasmiylashtirish, arxitektura va qurilish sohasiga oid xujjatlarni rasmiylashtirish, sudlanmaganlik toʻgʻrisidagi maʼlumotlarnoma va ularga tegishli toʻlovlarni amalga oshirish endilikda Davlat xizmatlari markazlari orqali amalga oshiriladi. Bu nafaqat sarf-harajatlarni, balki inson uchun qimmatli boʻlgan vaqtni tejashga imkon yaratadi.

Oʻzbekiston Pespublikasi Prezidentining 2017-yil 12-dekabrdagi «Axoliga davlat xizmatlari koʻrsatishning milliy tizimini tubdan isloh qilish chora-tadbirlari toʻgʻrisida”gi PF-5278-son Farmoni bilan endilikda Davlat xizmatlari markazi orqali tugʻilganlikni qayd etish, Adliya organlari va muassasalaridan chiqadigan rasmiy hujjatlarga apostil qoʻyish, FXDE va notariat organlari tomonidan arxiv hujjatlarini berish, sudlanganlik haqida maʼlumotnoma berish, jismoniy shaxs — soliq toʻlovchining soliq va boshqa qarzi yoʻqligi (borligi) haqida maʼlumotnoma berish, jismoniy shaxslarga STIP berish boʻyicha davlat xizmatlari koʻrsatilishi belgilangan.

Bosqichma-bosqich joriy etilayotgan davlat xizmatlari aholining tezkor davlat xizmatlarini olish imkoniyatlaridan foylanishlari mumkin.

“Yagona darcha” tamoyili asosida davlat xizmatlari koʻrsatuvchi davlat xizmatlari markazlari orqali koʻpgina davlat xizmatlari koʻrsatilishi, fuqarolarning tadbirkor boʻlib davlat roʻyxatidan oʻtishi va tadbirkorlik faoliyatlarini boshlashlari uchun ruxsat berilishi bu aholining davlat idoralariga murojaatlari bir joydan qabul qilinishi ulkan qulaylik tugʻridirmoqda.

Davlat xizmatlari markazlari orqali aholiga sifatli, tezkor, shaffof va qulay tarzda davlat xizmatlari koʻrsatilib, bepul konsultatsiyalar berilmoqda.

Davlat xizmatlari markazlari – aholiga barcha xizmatlar bir markaz orqali koʻrsatiladigan unikal, oʻziga xos maskan boʻlishi kutilayapti.

Siz markaz tomon qadam qoʻysangiz kifoya.

Barcha asosiy davlat xizmatlari tezkor, qulay, shaffof va sifatli printsiplar asosida koʻrsatiladi.

U.Saparbayeva,

Tuman Davlat xizmatlari markazi boʻlim boshligʻi