TUMAN HOKIMI VETEPINAPIYa XODIMLAPIGA XIZMAT VELOSIPEDLAPINI TOPShIPDI
Tumanimizda chorvachilik mahsulotlari yetishtirishni koʻpaytirishda tuman Veterinariya boʻlimi mehnat jamoasining hissasi katta.
Bugungi kunda boʻlimda jami 29 nafar, shu jumladan 9 nafar oliy, 20 nafar oʻrta maxsus maʼlumotli mutaxassislar faoliyat koʻrsatishadi.
Boʻlim tomonidan 2018-yilning oʻtgan 7 oyi davomida 25900 bosh yirik shoxli, 7449 bosh mayda shoxli mollarda brutsellyoz kasalligiga diagnostik tekshirish oʻtkazildi, ehtiyotdan emlash boʻyicha oqsil kasalligiga qarashi 21753 bosh yirik shoxli, 94 bosh mayda shoxli mollar, kuydirgi kasalligiga qarshi 61927 bosh yirik shoxli, 23486 bosh mayda shoxli mollar, 284 bosh otlar emlandi. Shuningdek, 1000 bosh mayda shoxli mollarda chechak kasalligiga qarshi, 20300 bosh yirik shoxli mollarda korason kasalligiga qarshi, 10304 bosh yirik shoxli mollar, 7049-mayda shoxli mollar fatsiolyoz kasalligiga qarshi ehtiyotdan emlandi.
Bugungi kunda tuman veterinariya laboratoriyasi tomonidan brutsellyoz, leykoz, trixomonoz, askolizatsiya va vibrioz kasalliklariga qarshi diagnostik tekshirish ishlari olib borilmoqda.
Tumandagi “Mangʻit-dehqon bozori” MChJda veterinariya sanitariya ekspertiza laboratoriyasi mutaxassislari tomonidan bozorga olib kelingan qishloq xoʻjalik mahsulotlarining sifati doimiy nazorat qilib borilmoqda.
Tumanimizda qoramollarning naslini yaxshilash maqsadida 11 ta zooveterinariya punktlariga qarashli sunʼiy urugʻlantirish shohobchalari, hududiy “Nasl xizmat” MChJ tomonidan 8 ta sunʼiy urugʻlantirish nuqtalari faoliyat yuritib kelmoqda.
Veterinariya tadbirlarini amalga oshirish uchun 49 ta chorvachilik va 8 ta parrandachilik fermer xoʻjaliklari va aholi qaramogʻidagi qoramollar uchun ovul va mahallalar fuqarolar yigʻinlari bilan shartonomalar tuzilib, shu asosda veterinariya xizmatlari amalga oshirilmoqda.
2018-yilning 7 oyi davomida tuman boʻyicha 15768 bosh sigirlar sunʼiy urugʻlantirildi.
Shu yilning 14-avgustida tuman veterinariya boʻlimi mutaxassislarining mehnatlarini ragʻbatlantirish maqsadida veterinariya xodimlariga 12 ta maxsus kiyim, 14 ta termojamlama va 19 ta xizmat velosipedlari tuman hokimi S.Yoʻldashev tomonidan tantanali ravishda topshirildi. Buningdek eʼtibor va ragʻbat ularni yana ham samarali faoliyat yuritishga chorlaydi.
O.PAJABOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
