Aholi va tadbirkorlarga 70 mlrd. soʻmdan ortiq kreditlar ajratildi
Tijorat banklarining tuman filiallari tomonidan 2018-yilning birinchi yarmida 1744 nafar tadbirkorlar va jismoniy shaxslarga umumiy qiymati 70,28 mlrd. soʻmlik kreditlar ajratildi.
Ajratilgan kredit mablagʻlarining 1 ming 139 tasi «Agrobank»ning tuman boʻlimi hissasiga toʻgʻri keladi. Mazkur tijorat banki tomonidan paxta, gʻalla, qishloq xoʻjaligi mahsulotlari yetishtirish, qishloq xoʻjalik texnikalari sotib olish uchun jami 54 mlrd. 826 mln. soʻm, kichik biznes subʼektlarini qoʻllab-quvvatlash uchun 430 mln. soʻm, Davlat dasturlarining ijrosi boʻyicha 380 mln. soʻm va «Obod qishloq» dasturi doirasida 254,7 mln. soʻm kredit mablagʻlari ajratildi. Shuningdek, aholiga jami 4 mlrd. 476,5 mln. soʻm miqdorida isteʼmol kreditlari berildi.
«Mikrokreditbank»ning tuman filiali tomonidan 512 nafar mijozga 5 mlrd. 592,3 mln. soʻmlik kredit ajratilgan. Shuning 1 mlrd. 236 mln. soʻmi kichik biznes subʼektlarini qoʻllab-quvvatlash, 120 mln. soʻmi Davlat dasturlarini ijro qilish, 555 mln. soʻmi hunarmandchilik sohasini rivojlantirish, 135 mln. soʻmi «Obod qishloq» dasturini amalga oshirish uchun ajratilgan. Ushbu kreditlarning 653,6 mln. soʻmi aholiga berilgan isteʼmol kreditlaridir.
«Xalq banki»ning tuman filiali esa joriy yilning oʻtgan davrida 76 mijozga 4 mlrd. 320,5 mln. soʻmlik kreditlar ajratgan.
Aholi va tadbirkorlik subʼektlariga ajratilgan kreditlar tumanimizda tadbirkorlikni yanada rivojlantirish, yangi ish oʻrinlarini tashkil qilish va aholining turmush darajasini yanada yaxshilashga xizmat qiladi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
