TUMAN HOKIMI ILGʻOP GʻALLAKOPLAP BILAN UChPAShDI
Tumanimizda boshoqli don ekinlari, ayniqsa bugʻdoy yetishtirish borasida gʻallakor dehqonlar yildan-yilga yangi marralarni zabt etmoqdalar. Gʻallachilikni rivojlantirishga qaratilayotgan eʼtibor va ragʻbat tufayli ilgʻor fermer xoʻjaliklari uchun bugʻdoydan har gektar hisobiga olinadigan hosildorlik ham yil sayin oshib bormoqda.
- Tumanimiz gʻallakorlari uchun 55-60 tsentnerlik marra chegara boʻlmay qoldi, - dedi tuman hokimi, 1-sektor rahbari S.Yoʻldashev 3-iyul kuni Qipchoq ovulida boʻlib oʻtgan ilgʻor gʻallakor fermerlar, ijarachi-dehqonlar va gʻalla oʻrim-yigʻimida faol ishtirok etgan mexanizatorlar bilan boʻlgan uchrashuvida. – Bunyod etilgan tumanimizning 12,6 ming tonnalik “qirmizi don” xirmoniga oʻzlarining munosib hissalarini qoʻshgan fermer xoʻjaliklari orasida hosildorlikni 60-65 tsentnerdan oshirib ado etganlar ham borligi quvonarli.
Shu kuni gʻallakor dehqonlar erishgan katta muvaffaqiyatni keng nishonlash maqsadida tuman hokimligi tomonidan fayzli dasturxon yozilib, palov tortildi. Hududlar boʻyicha sektorlar rahbarlari, sohalar boʻyicha mutaxassislar, OAV vakillari ishtirok etgan mazkur tadbirga 21-sonli bolalar musiqa va sanʼat maktabi direktori, xushovoz xonanda Nuraddin Yoqubov oʻzining oʻzbek xalq va mumtoz ashulalari bilan fayz bagʻishladi.
Uchrashuv tadbiri yakunida gʻallakor dehqonlarga pul mukofotlari berildi.
* **
Shu kuni “Choykoʻl” ovuli hududida joylashgan “Qunduz” agrofirmasi shiyponida “Doʻstlik”, “Namuna”, “Toshyop” MMTPlarning gʻalla oʻrim-yigʻimida faol ishtirok etgan kombaynchi-mexanizatorlar, muhandis-texnik xodimlar hamda ilgʻor ijarachi-dehqonlar uchun ham fayzli dasturxon yozilib, milliy taomlar tortildi, Nuraddin Yoqubov ijrosidagi kuy-qoʻshiqlar yangradi.
Tuman hokimi, 1-sektor rahbari Sultonboy Yoʻldashev boshchiligida tashrif buyurgan hududlar boʻyicha sektorlar rahbarlari tuman prokurori J.Mutfullayev, tuman IIB boshligʻi Dilshod Ibragimov, tuman soliq inspektsiyasi boshligʻi Botir Kamolovlar hamda sohalar boʻyicha masʼul rahbarlar barchani erishilgan yuksak gʻalaba bilan tabrikladilar.
Tuman hokimi S.Yoʻldashev soʻzga chiqib gʻalla oʻrim-yigʻim mavsumida fidoyilik bilan mehnat qilgan ishchi va ijarachi dehqonlarga, fermer xoʻjaliklari va sohalar boʻyicha rahbarlar hamda xizmat koʻrsatuvchi korxona va tashkilotlarning ishchi-xizmatchilariga samimiy minnatdorchilik bildirdi.
Fidokorona mehnatdan soʻng fayzli dasturxon atrofida hordiq chiqargan gʻallakorlarning mavsum davomida qilgan matonatli mehnati qadrlandi. Ularga pul mukofotlari taqdim etildi.
Pobiya YOʻLDOShEVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
