"Yoshlar sayli" oʻtkazildi
30-iyun – Yoshlar kuni tumanimizda munosib tarzda nishonlandi. Sana munosabati bilan yugurish boʻyicha marafon, velomarafon oʻtkazildi, mehr-muruvvatga muhtoj, kam taʼminlangan oilalar farzandlari moddiy va maʼnaviy ragʻbatlantirildi, “Hokim va yoshlar” uchrashuvida tumanimizning turli hududlarida istiqomat qiluvchi faol yoshlarning tuman hokimi bilan uchrashuvi oʻtkazildi.
Shuningdek boʻlib oʻtgan iqtidorli yoshlar ishtirokida kontsertlar, turli sport musobaqalaridan iborat 14 ta tadbir ham yoshlarga haqiqiy bayramona kayfiyatini ulashdi, koʻngillariga yurt taqdiriga daxldorlik hissini joyladi, yoshlik gʻayrat-shijoati bilan shu aziz Vatanimiz ravnaqi yoʻlida birlashish, mehnat qilish ishtiyoqini kuchaytirdi.
Yoshlar ittifoqi tuman Kengashi Maʼnaviyat markazi tuman boʻlimi hamkorligida “Yoshlar sayli” tadbiri doirasida oʻtkazilgan kitobxonlikka oid viktorina, kitoblar koʻrgazmasi va tumanimiz yoshlari ijodiga mansub yangi nashrdan chiqqan kitoblar taqdimoti ham yoshlarning diqqat-eʼtiborini oʻziga tortdi.
Oʻzbek adabiyoti namoyandalari, ular yaratgan durdona asarlarga oid savol-javoblarda 1000 nafardan ortiq yoshlar oʻz bilimlarini sinab koʻrdilar. Berilgan savollarga batafsil javob bergan yoshlarga 120 tadan ziyod kitoblar sovgʻa tariqasida tarqatildi.
Kitoblar koʻrgazmasi, yosh ijodkorlarning yangi asarlari koʻrgazmasi 4-marta oʻtkazildi va mingdan ziyod yoshlarni qamrab oldi.
Boʻlib oʻtgan tadbirlar yoshlarda chuqur taassurotlar qoldirdi.
O.RAJABOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
