Xalq deputatlari Amudaryo tuman Kengashining 47-sessiyasi haqida axborot (+video)

30-may kuni Xalq deputatlari Amudaryo tuman Kengashining 47-sessiyasi boʻlib oʻtdi.

Sessiya ishida xalq deputatlari tuman Kengashi deputatlari, tuman hokimi oʻrinbosarlari, hokimlik masʼul xodimlari, huquq-tartibot organlari, boʻlimlar, jamoat tashkilotlari, fuqarolar yigʻinlari raislari hamda ommaviy axborot vositalari vakillari ishtirok etdi.

Sessiyada dastlab Qoraqalpogʻiston Pespublikasi Ekologiya va artof-muhitni muhofaza qilish qoʻmitasi raisi Turgʻanboy Xojanazarov hisobot berdi. Hisobotda ekologiya, atrof muhitni muhofaza qilish va tabiiy resurslardan oqilona foydalanishga doir qonun talablari ijrosi ustidan davlat nazoratini amalga oshirish boʻyicha qilinayotgan ishlar haqida batafsil maʼlumot berildi. Hisobot davrida birgina suvni muhofaza qilish zonalarida huquqbuzarlar tomonidan noqonuniy ravishda chiqindilarni joylashtirganlik yuzasidan 45 ta qonun buzilish holatlari aniqlanib, ularga nisbatan 7,4 mln. soʻm miqdorda maʼmuriy choralar koʻrilgan. “Toza hudud” davlat unitar korxonasi xodimlari bilan birgalikda chiqindilarni olib chiqib ketish yuzasidan hududdagi korxona va tashkilotlardan  shu kunga qadar jami 5 ming 300 ta xonadondan 4 ming 433 tasi bilan qattiq va maishiy chiqindilarni olib chiqib ketish  uchun  shartnomalar tuzilgan. Shu kunga qadar aholiga shartnoma asosida 60 mln soʻmlikdan ortiq,   yuridik tashkilotlarga 21 mln  soʻm, byudjet tashkilotlariga esa 56 mln soʻmdan ortiq xizmatlar koʻrsatilgan. 

Kun tartibidagi ikkinchi masala yuzasidan tuman hokimining investitsiyalar, innovatsiyalar, xususiylashtirilgan korxonalarga koʻmaklashish va kichik sanoat zonalari hamda turizmni rivojlantirish masalalari boʻyicha oʻrinbosari Pashid Salayevning tumanda turizm va milliy hunarmandchilikni rivojlantirish boʻyicha amalga oshirilayotgan ishlar yuzasidan hisoboti tinglandi. Hisobotda tuman hududida turizm infratuzilmasini shakllantirish, sayyohlar oqimini koʻpaytirish, milliy hunarmandchilikni rivojlantirish boʻyicha qilinayotgan ishlarga toʻxtalib oʻtildi. Jumladan, tumanda aholi uylari xatlovdan oʻtkazilib, 5 ta xonadan mehmon uylar sifatida belgilangan hamda mehmonlarni qabul qilishga tayyor holga keltirilgan. “Oʻzbekiston boʻylab sayyohat qil” dasturi doirasida jami 7000 nafarga yaqin tumanimiz aholisi mamlakatimizning turli hududlariga sayyohat qildilar. Bu boradagi ishlarni tizimli ravishda tashkil qilish boʻyicha chora-tadbirlar belgilangan.

Kun tartibidagi uchinchi masala – dehqon xoʻjaliklari va tomorqa yer egalarining ekin maydonlaridan foydalanish samaradorligini  fuqarolarning oʻzini oʻzi boshqarish organlarida muhokama qilish holati boʻyicha fuqarolarning oʻzini oʻzi boshqarish organlari faoliyatini muvofiqlashtirish boʻyicha tuman Kengashi raisi birinchi oʻrinbosari Ashirboy Qoʻushayev hisobot berdi. Deputatlarga ovul va mahalla fuqarolar yigʻinlari tomonidan hududdagi tomorqa yerlariga ekin ekilishini monitoring qilish natijalari haqida batafsil maʼlumot berildi.

Sessiyada shuningdek, voyaga yetmaganlar va yoshlar oʻrtasida huquqbuzarlik va jinoyatchilikning oldini olish, profilaktika inspektorlari ishlarini samarali tashkil etish va muvofiqlashtirish boʻyicha olib borilayotgan ishlar yuzasidan tuman ichki ishlar boʻlimi boshligʻining yoshlar masalalari boʻyicha oʻrinbosari, huquqbuzarliklar profilaktikasi boʻlinmasi boshligʻi A.Qurboniyazovning hisoboti tinglandi.

Kun tartibidagi barcha masalalar boʻyicha bildirilgan takliflar, fikr va mulohazalar inobatga olingan holda tegishli qarorlar qabul qilindi.

Tuman hokimligining axborot xizmati.