Amudaryo tumani Adliya boʻlimi boshligʻi tayinlandi (+video)
Oʻzbekiston Pespublikasi Prezidentining 2018-yil 13-aprel kungi “Davlat huquqiy siyosatini amalga oshirishda adliya organlari va muassasalari faoliyatini tubdan takomillashtirish chora-tadbirlari toʻgʻrisida”gi farmoniga asosan Amudaryo tumanida ham Adliya boʻlimi tashkil qilindi.
8-may kuni tuman FHDYo boʻlimi va 1-sonli davlat notarial idorasi joylashgan binoda Amudaryo tumani Adliya boʻlimi boshligʻini tayinlash marosimi boʻlib oʻtdi. Unda Qoraqalpogʻiston Pespublikasi Adliya vaziri J.Sadiqov, tuman hokimi S.Yoʻldoshev va boshqalar ishtirok etdi.
Shu kunga qadar "Amudaryo himoyasi" advokatlik byurosi rahbari vazifasida ishlab kelayotgan Matyusupov Moʻminjon Gulmirzayevich Amudaryo tumani Adliya boʻlimi boshligʻi lavozimiga tayinlandi.
M.Matyusupov 1982-yilda Amudaryo tumanida tugʻilgan. 2004-yilda Toshkent davlat yuridik institutini tamomlagan. Maʼlumoti boʻyicha mutaxassisligi – yurisprudentsiya.
M.Matyusupov Amudaryo telekanaliga bergan intervyusida tuman (shahar) adliya boʻlimlarining asosiy vazifalari quyidagilardan iborat ekanligini aytib oʻtdi:
hokimlarga hamda davlat organlari va tashkilotlarining tumanlar (shaharlar) tuzilmalariga qonunlar va boshqa normativ-huquqiy hujjatlarni qoʻllash masalalari boʻyicha maslahatlar berish;
davlat organlari va tashkilotlari tuman (shahar) tuzilmalarining qonunlar va boshqa normativ-huquqiy hujjatlar ijrosini tashkil etish boʻyicha faoliyatiga uslubiy rahbarlik qilish va muvofiqlashtirish;
qabul qilinayotgan qonunlar va boshqa normativ-huquqiy hujjatlarning mazmun-mohiyati va ahamiyatini tumanlar tuzilmalaridagi ijrochilarga yetkazish, “respublika – viloyat – tuman – mahalla” printsipi boʻyicha huquqiy targʻibot va aholining huquqiy savodsizligiga barham berish borasida, shu jumladan huquqni muhofaza qiluvchi va sud organlari bilan birgalikda chora-tadbirlarni amalga oshirish;
tumanlar (shaharlar) hokimlari va xalq deputatlari Kengashlarining qarorlarini qonun hujjatlariga, mamlakatimizda amalga oshirilayotgan islohotlarning maqsad va vazifalariga muvofiqligi nuqtai nazaridan huquqiy ekspertizadan oʻtkazish;
huquqni qoʻllash amaliyotini oʻrganish va tahlil qilish, uning barqarorligi va bir xilligini taʼminlash boʻyicha takliflarni ishlab chiqish;
inson huquqlarini himoya qilish boʻyicha chora-tadbirlarni amalga oshirish, oʻz vakolatlari doirasida jismoniy va yuridik shaxslarning murojaatlarini koʻrib chiqish;
davlat organlari va tashkilotlarining tuman (shahar) tuzilmalarida huquqiy ishlarning holatini monitoring qilish, shuningdek, ularning yuridik xizmatlari faoliyatini muvofiqlashtirish, nazorat qilish va metodik taʼminlash.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
