“BILIMLAP BELLAShUVI”NING TUMAN BOSQIChI OʻTKAZILMOQDA

“BILIMLAR BELLAShUVI”NING TUMAN BOSQIChI BOʻLIB OʻTDI

Mamlakatimizda taʼlim sohasida amalga oshirilayotgan islohotlar jarayonida yoshlarga berilayotgan taʼlim sifati va samaradorligini tobora yuksaltirishga alohida eʼtibor berilmoqda.

Oʻzbekiston Respublikasi Xalq taʼlimi vazirligi tomonidan oʻqitish jarayonini takomillashtirib borish maqsadida umumtaʼlim maktablari oʻquvchilarining fanlar boʻyicha bilimlar bellashuvini tashkil etishning toʻrt bosqichli mexanizmi ishlab chiqilib, amaliyotga joriy etilgan.

Maktab, tuman, viloyat va respublika bosqichlarida oʻtkaziladigan ushbu zakovat bellashuvi oʻquvchilarning qobiliyati va isteʼdodini quyi sinflardan boshlab aniqlash, maktablarda sogʻlom raqbotani tashkil etish orqali oʻquvchilarning oʻqishga boʻlgan qiziqishi va ishtiyoqini tobora rivojlantirishga xizmat qilmoqda.

Mamlaktimizning barcha joylaridagi kabi Amudaryo tumanidagi umumtaʼlim maktablarida ham bunday zakovat bellashuvlariga har yili puxta tayyorgarliklar koʻriladi.

Joriy yilning mart oyigacha tumandagi barcha umumtaʼlim maktablarida “Bilimlar bellashuvi”ning maktablar bosqichi oʻtkazilib, ularda gʻoliblikni qoʻlga kiritgan yosh bilimdonlar bellashuvning 4-mart kuni boʻlib oʻtgan hududiy bosqichida oʻz bilimlarini yana bir bor sinovdan oʻtkazdilar.

“Bilimlar bellashuvi”ning 23-24-mart kunlarida 40-sonli maktabda oʻtkazilgan tuman bosqichida 52 ta umumtaʼlim maktabidan jami 241 nafar oʻquvchi ishtirok etdi.

Umumtaʼlim maktablarining 5-8-sinf oʻquvchilari ishtirokida, 16 ta fan boʻyicha oʻtkazilgan ushbu “Bilimlar bellashuvi” 24-mart kuni yakunlanib, bellashuv natijalari eʼlon qilindi.

Bellashuv natijalariga koʻra 49 oʻquvchi birinchi oʻringa, 31 nafar oʻquvchi ikkinchi oʻringa va 19 nafar oʻquvchi uchinchi oʻringa loyiq deb topildi. “Bilimlar bellashuvi” nizomiga muvofiq bellashuvda ishtirok etgan 7-8-sinflar oʻquvchilaridan 30 nafari bellashuvning Qoraqalpogʻiston Respublikasi bosqichida tumanimiz sharafini himoya qiladigan boʻlishdi.

bellashuvi”da 2- va 3-oʻrinni egallagan oʻquvchilarga tegishli tartibda I, II va III- darajali diplomlar hamda sovgʻalar topshirildi.

A.Jumaniyozov.