Vatan himoyachilari kuniga bagʻishlangan tadbir tantanavor ruhda oʻtdi
Goʻzal va bepoyon Ona diyorimiz yurtning jasur, mard oʻgʻlonlari himoyasida. Ular bor ekan, elimiz tinch, kunu-tunimiz osuda. Butun xalqimiz Vatanning munosib himoyachilari va sarhadlarimiz daxlsizligini taʼminlayotgan qudratli armiyamiz bilan faxrlanadi. Shu bois, mamlakatimizda Vatan himoyachilari kuni bayrami keng nishonlanadi.
Tumanda ham 14-yanvar kuni Oʻzbekiston Respublikasi Qurolli Kuchlarining 26 yilligi va Vatan himoyachilari kuniga bagʻishlangan tantanali bayram tadbiri oʻtkazildi. Tuman Madaniyat va aholi dam olish Markazida “Milliy armiyamiz – yoshlarning mardlik matonat va jasorat maktabidir” shiori ostida oʻtkazilgan tadbirda armiyamiz, harbiylarimizni sharaflash hamda yoshlarda, vatanparvarlik, Vatanga sadoqat, iftixor tuygʻularini mustahkamlash kabilar bosh maqsad boʻldi.
Bino oldida bayramga tashrif buyurgan mehmonlar orkestr jamoasi tomonidan ijro etilgan harbiycha marsh sadolari ostida kutib olinganligi, Markaz foyesidagi Davlat bayroqlari, tuman harbiy qismlarining harbiy qurol-aslahalardan iborat koʻrgazmasi hamda tuman Axborot resurs markazining kitob koʻrgazmalari tadbirga tantanavor ruh va fayz bagʻishladi.
Bayram tadbirining tantanali qismini tuman hokimi oʻrinbosari M.Ahmedova tabrik soʻzlari bilan ochib berdi. Tuman hokimi S.Yoʻldashev ham soʻzga chiqib, Vatanimiz hududini hushyorlik bilan himoya qilayotgan, tinchlik-xotirjamlikni ishonchli taʼminlayotgan harbiylarni, boʻlgʻusi yurt himoyachilarini hamda barcha yurtdoshlarimizni sharafli bayram bilan qutlugʻladi. Bayram munosabati bilan tumandagi “Mangʻit” chegara posti hamda “Ayoqchi” chegara posti ofitser va askarlarga “Faxriy yorliq”lar, sovgʻalar topshirdi..
Shundan soʻng, tumanda bayram arafasida oʻtkazilgan sport musobaqalarida faxrli oʻrinlarni egallagan gʻoliblarga ham “Faxriy yorliq” va sovgʻalar berildi.
Bayramga tashrif buyurgan askar onasi, O.Adilboyeva, tumandagi harbiy qism askari A.Abduraimov va boshqalar soʻzga chiqib, barchani bayram bilan muborakbod etdi.
Oʻzbekiston Respublikasi Qurolli Kuchlarining 26 yilligiga hamda Vatan himoyachilari kuniga bagʻishlangan bayram tadbiri tuman Madaniyat boʻlimi tomonidan tayyorlangan “Vatan himoyasi – muqaddas” nomli teatrlarshtirilgan musiqiy dastur bilan davom ettirildi. Namoyish etilgan “Armiyaga kuzatish marosimi”, “Qasamyod qabul qilish”, “Teroristlarga qarshi kurash” kabi kompozitsion koʻrinishlar, Vatanni madh etuvchi ashulalar, dilrabo kuy va jozibali raqslar tomoshabinlarni nihoyatda zavqlantirdi.
O.Xudoyberganova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
